2025 jyly 13 qarasha kúni 110 kV №124A jáne №101A elektr berý jelilerinde jaryqtyń apattyq óshý tirkeldi. Sonyń saldarynan PS-162A «Alǵabas», PS-169A «Aqbulak» jáne PS-123A «AJEO-2» syndy birneshe iri qosalqy stansıa ýaqytsha elektr qýatynsyz qaldy, - dep habarlaıdy Aqshamnews.kz.
Apat Almaty qalasy Alataý aýdanynyń tutynýshylaryna da áser etti. Elektrmen jabdyqtaý tómendegi shaǵynaýdandarda ýaqytsha toqtatyldy:
Aqbulaq, Alǵabas, Aqkent, Saıaly, Terekti, Ǵajaıyp, Kóksaı, Nurkent, Daraboz, Zerdeli, sondaı-aq Raıymbek dańǵyly – Momyshuly – Móńke bı kósheleriniń aralyǵyndaǵy aýmaq.
Oqıǵa ornyna jedel túrde apattyq-qalpyna keltirý brıgadalary jiberildi. Mamandar apattyń sebebin anyqtaýǵa kirisip, elektr qýatyn kezeń-kezeńimen qalpyna keltirý jumystaryn júrgizdi.
14 qarasha, saǵat 00:12-de, PS-110/10 kV №169A «Aqbulaq» qosalqy stansıasy 110 kV №101A jelisi arqyly qaıta qosyldy. Qazirgi ýaqytta mamandar Nurkent, Aqkent, Alǵabas, Terekti jáne Kóksaı shaǵynaýdandaryndaǵy energıamen jabdyqtaýdy qalpyna keltirý jumystaryn jalǵastyryp jatyr.
Apattyq-qalpyna keltirý jumystary elektrmen jabdyqtaý tolyq ornyna kelgenshe júrgiziledi.
Jaýapty mekeme ýaqytsha qolaısyzdyq úshin keshirim suraıdy.
Eske sala keteıik, keshe keshkisin Almaty qalasynyń Alataý aýdanynda elektr berý jelilerinde apattyq jaǵdaı bolyp, «Aqbulaq», «Alǵabas», «Aqkent», «Saıaly», «Terekti», «Ǵajaıyp», «Kóksaı», «Nurkent», «Daraboz», «Zerdeli» shaǵynaýdandary jáne Raıymbek dańǵyly – Momyshuly – Móńke bı kósheleriniń arasyndaǵy aýmaq elektr jaryǵynsyz qaldy.