Almatylyqtardyń kóbí osy kúní jasy úlken kísílerdíń úıíne baryp, sálem beríp, qūrmet kórsetíp, olardyń batasyn aluǵa tyrysady eken, – dep habarlaıdy aqshamnews.kz tílshísí.
Kórísu kúníne oraı Almatynyń Óńírlík kommunıkatsıyalar qyzmetíníń ókílderí kóshede saualnama júrgízdí. Qala tūrǵyndaryna osy kún turaly sūraq qoıyp, kórísu turaly ne bíletínín, qalaı atap ótetínín sūrady.
Tūrǵyndardyń aıtuynsha, Kórísu kúní adamdar tuǵan-tuysymen, kórshísímen, dostarymen kezdesíp, bír-bíríne jyly lebíz bíldíríp, qal-jaǵdaı sūrasatyn erekshe mereke. Almatylyqtardyń kóbí osy kúní jasy úlken kísílerdíń úıíne baryp, sálem beríp, qūrmet kórsetíp, olardyń batasyn aluǵa tyrysady eken.
Keıbír tūrǵyndar merekení úıde ótkízetínín aıtsa, bíreu kórshílerímen, endí bírí kópten kórmegen tanysymen kórísíp, sóıtíp atap ótetínín jetkízdí.
Saualnamaǵa qatysqandardyń píkírínshe, Kórísu kúní bírlík pen ózara qūrmettíń, ízgí qarym-qatynastyń sımvoly. Almatylyqtar bír-bíríne densaulyq, amandyq tílesedí osy kúní. Olar mūndaı dástúr ūrpaqtar arasyndaǵy baılanysty nyǵaıtyp, ūltty ūıystyra túsetínín aıtty.