Almatylyq sportshy Nūrmūhammed Jaıylbaı Brazılıyada ótíp jatqan jasóspírímder men kadetter arasyndaǵy semserlesuden álem chempıonatynda qola júldeger atandy, – dep habarlaıdy aqshamnews.kz tílshísí.
Almaty qalasy Sport basqarmasynyń málímetínshe, būl Qazaqstan tarıhyndaǵy aıtuly jetístík. Atap aıtqanda, elímízde alǵash ret osy jas sanatyndaǵy álem chempıonatynda jeke syn boıynsha júlde alynǵan.
Nūrmūhammed Jaıylbaı turnırdí Halyqaralyq semserlesu federatsıyasynyń (FIE) reıtıngínde 25-orynnan bastap, jarystyń barlyq kezeńínde senímdí óner kórsetíp, qarsylastarynan basym tústí.
1/64 fınalda almatylyq sportshy Senegal ókílín jeńdí, 1/32 fınalda Vengrıya sportshysynan tíze búktírdí, 1/16 fınalda Japonıya ókílínen basyp tústí. 1/8 fınalda Reseı sportshysyn ūtyp, shırek fınalda AQSh ókílín shań qaptyryp, jartylaı fınalǵa joldama aldy.
Jartylaı fınalda Nūrmūhammed Jaıylbaı Europanyń qazírgí chempıony árí álemdík reıtıngtíń kóshbasshysy túrkıyalyq Furkan Yamanmen kúsh synasty. Tartysty ótken jekpe-jek qorytyndysy boıynsha qazaqstandyq sportshy 13:15 esebímen qarsylasyna ese jíberíp, álem bírínshílígíníń qola júldegerí atandy.
Aıta keteıík, būǵan deıín qazaqstandyq sportshylar álemdík deńgeıdegí jarystarda júldege bír taban jaqyndaǵanymen, dál Nūrmūhammed Jaıylbaı alǵash ret jasóspírímder men kadetter arasynda jeke esepte medal jeńíp aldy.
Būl jetístík Qazaqstandaǵy semserlesu sportynyń qarqyndy damyp kele jatqanyna aıqyn dálel. Sonymen qatar, ol almatylyq sport mektebíníń áleuetí joǵary ekenín kórsetedí.