Almaty qalasynda balalar men jasóspirimderdiń ekologıalyq mádenıetin arttyrýǵa, qorshaǵan ortaǵa jaýapkershilikpen qaraýdy qalyptastyrýǵa jáne sıfrlyq shyǵarmashylyq daǵdyny damytýǵa baǵyttalǵan «Taza Qazaqstan» baǵdarlamasy aıasynda jalpyqalalyq ekologıalyq chellendj bastaldy, - dep habarlaıdy aqshamnews.kz tilshisi.
Qala oqýshylary arasynda ekologıalyq sanany kúsheıtý maqsatynda elektrondy ekologıalyq ashyqhattar jasaýǵa arnalǵan «Ekologıalyq kaleıdoskop» jalpyqalalyq onlaın-chellendji bastaldy. Bastamaǵa Almaty qalasyndaǵy bilim berý uıymdarynyń 1-11 synyp oqýshylary qatysyp jatyr.
Chellendjdiń negizgi maqsaty – bilim alýshylardyń ekologıalyq jaýapkershiligin qalyptastyrý, ekologıalyq saýat deńgeıin arttyrý, sıfrlyq jáne shyǵarmashylyq quzyretin damytý, sondaı-aq tabıǵatty qorǵaý ıdeıalaryn keńinen nasıhattaý.
Chellendj aıasynda oqýshylardyń qorshaǵan ortany qorǵaý jáne tabıǵı resýrstardy saqtaý máselesine nazaryn aýdarý, olardyń kreatıvti jáne sıfrlyq daǵdysyn damytý, ekologıalyq mádenıetti damytý mindetteri júzege asyrylmaq.
Qatysýshylar grafıka, kollaj jáne anımasıa formatynda elektrondy ekologıalyq ashyqhattar daıyndaıdy. Jumystarda qorshaǵan ortany qorǵaý, tabıǵı resýrstardy saqtaý, qaldyqty bólek jınaý, sý men energıany únemdeý, sondaı-aq «Taza qala – qaýipsiz bolashaq» tujyrymdamasy sıaqty taqyryptyq baǵyttar qamtylady.
Chellendj birneshe kezeńnen turady. Aqparattyq kezeńde bilim berý uıymdarynda qatysý sharttary túsindiriledi. Shyǵarmashylyq kezeńde oqýshylar elektrondy ekologıalyq ashyqhattar ázirleıdi. Chellendj-estafeta kezeńinde daıyn jumystar áleýmettik jelilerde #EkologıalyqKaleıdoskop, #EkoAlmaty, #TazaQazaqstan heshtegterimen jarıalanady. Qorytyndy kezeńde eń belsendi qatysýshylar men úzdik jumystardyń avtorlary marapattalady.
Atalǵan chellendjdi ótkizý oqýshylardyń ekologıalyq sanasyn arttyrýǵa, shyǵarmashylyq áleýetin damytýǵa jáne qorshaǵan ortaǵa jaýapty qarym-qatynas mádenıetin qalyptastyrýǵa yqpal etedi.