Almaty qalasynda jalpyūlttyq koalıtsıya músheleríníń “Bekker ı K” kompanıyasynyń qyzmetkerlerímen kezdesuí óttí, - dep habarlaıdy Aqshamnews.kz.
Ís-shara barysynda qatysushylar eldegí konstıtutsıyalyq reformanynyń mańyzyn túsíndíríp, qyzmetkerderdíń sūraqtaryna jauap berdí. Jıynǵa spıker retínde:Saben Tynyshqalı - AMANAT partıyasynyń Bostandyq audandyq fılıalynyń tóraǵasy; Ahatov Ualıhan - Ál-Farabı atyndaǵy Qazaq ūlttyq unıversıtetí ókílí; Karıbjanova Roza - qoǵam qaıratkerí qatysty.
Ahatov Ualıhan, jańa Konstıtutsıya jobasynyń mańyzyna toqtalyp, ūsynylyp otyrǵan ózgerísterdíń eldíń sayası júıesín jańǵyrtuǵa baǵyttalǵanyn atap óttí.
-“ Būl bastama sońǵy bír-ekí aıdyń nemese qysqa merzímníń jūmysy emes. Konstıtutsıyalyq reformany ázírleu protsesí ūzaq uaqyttan berí júrgízílíp keledí. Osy uaqyt íshínde elímízdíń túrlí óńírlerínde talqylaular ótíp, elektrondy platformalar arqyly azamattardan myńdaǵan ūsynystary tústí. Būl reformanyń basty erekshelígí – halyqtyń tíkeleı qatysuy. Sonymen qatar, qūrylymdyq ózgeríster qarastyrylyp otyr. Atap aıtqanda, ekí palataly júıeden bír palataly parlamentke kóshu ūsynyluda. Jańa palata 145 deputattan tūrady. Būl - zań shyǵaru protsesín ońtaılandyryp, halyqtyń únín tíkeleı jetkízuge múmkíndík beredí. Konstıtutsıya – memlekettíń negízgí qūjaty. Bíz osy qūjatpen ómír súremíz, eldegí íshkí jáne syrtqy sayasattyń barlyǵy soǵan negízdeledí. Sondyqtan oǵan erekshe jauapkershílíkpen qarau qajet, – dedí.
Qorytyndylaı kele, kezdesu barysynda jańa Konstıtutsıya jobasynyń el damuy úshín mańyzy keńínen túsíndírílíp, qatysushylar ūsynylyp otyrǵan reformalardy qoldaıtyndaryn bíldírdí.
