Almaty qalasyndaǵy №7 Qalalyq klınıkalyq auruhananyń dárígerlerí toǵyzynshy qabattan qūlap, auyr jaraqat alǵan 34 jastaǵy áıeldí aman alyp qaldy, – dep habarlaıdy aqshamnews.kz tílshísí.
Medıtsınalyq kómektíń barlyq kezeńínde multıdıstsıplınarlyq mamandar tobynyń jedel árí úılesímdí jūmysynyń, medıtsına qyzmetkerleríníń joǵary kásíbı dayarlyǵynyń arqasynda nauqastyń jaǵdaıyn asa auyr halden tūraqtandyryp, onynshy táulíkte ambulatorıyalyq em men keıíngí ońaltuǵa shyǵaru múmkín boldy.
Almaty qalasy Qoǵamdyq densaulyq saqtau basqarmasynyń málímetínshe, patsıent №7 QKA-ǵa kóptegen súıek synulary men íshkí aǵzalardyń zaqymdanuymen qatar júrgen auyr aralas jaraqatpen shūǵyl túrde jetkízílgen.
Auruhanaǵa túsken kezdegí jaǵdaıy óte auyr dep baǵalandy: koma jáne ómíríne tíkeleı qauíp tóndírgen travmalyq shok. Jedel járdem brıgadasy auruhanaǵa deıíngí kezeńde ıntubatsıya júrgízíp, shokqa qarsy terapıyany bastaǵan. Statsıonarǵa túskennen keıín sanauly mınuttardyń íshínde qabyldau bólímínde shūǵyl medıtsınalyq kómektíń tolyq kólemí kórsetíldí.
№7 Qalalyq klınıkalyq auruhanasynyń dırektory Nūrdos Qadyrbekovtíń aıtuynsha, emdeu úderísíne bírneshe baǵyttaǵy mamandar jūmyldyryldy.
«Nauqasty emdeuge anestezıolog-reanımatologtar, travmatologtar, neırohırurgtar, hırurgtar, terapevter, kardıologtar, psıhologtar jáne psıhıatrlar qatysty. Patsıentke kórsetílgen barlyq medıtsınalyq kómek MÁMS júıesí ayasynda júzege asyryldy. Jansaqtau jáne qarqyndy terapıya bólímínde auyr shok pen kóptegen jaraqattardyń saldarymen kúresuge baǵyttalǵan em júrgízílíp, jaǵdaıy tūraqtanǵannan keıín nauqas árí qaraı mamandandyrylǵan em alu úshín polıtravma bólímíne auystyryldy», – dedí auruhana basshysy.
«Mūqıyat daıyndyqtan keıín joǵarǵy jáne tómengí ayaq-qoldarǵa sımultantty operatsıya jasaldy, al ekí táulíkten soń jambas súıekteríne ota júrgízíldí. Emdeudíń barlyq kezeńínde tromboembolıya men maı embolıyasy sekíldí auyr asqynulardyń qaupí óte joǵary boldy. Soǵan qaramastan, pánaralyq tásíldíń, komandalyq jūmystyń jáne dūrys emdeu taktıkasynyń arqasynda oń nátıjege qol jetkízdík», – dep túsíndírdí №7 QKA polıtravma bólímíníń meńgerushísí Ramazan Áskerov.
Onyń aıtuynsha, №7 Qalalyq klınıkalyq auruhanasy – qalanyń eń írí kópsalaly statsıonarlarynyń bírí. Medıtsınalyq ūıym Almaty qalasyna kíreberístegí negízgí joldardyń bírínde ornalasqandyqtan, mūnda jol-kólík oqıǵalary men basqa da tótenshe jaǵdaılardan keıín auyr jaraqat alǵan nauqastar jıí jetkízíledí.
Nauqas auruhanaǵa túskennen keıín jetínshí táulíkte ayaqqa tūrǵyzylyp, al onynshy táulíkte qanaǵattanarlyq jaǵdaıda tıístí emdík ūsynymdarmen úıíne shyǵaryldy.
Búgínde №7 Qalalyq klınıkalyq auruhanasy Almatydaǵy negízgí travmatologıyalyq ortalyqtardyń bírí bolyp sanalady. Mūnda táulík boıy eń auyr árí kúrdelí jaraqat alǵan patsıentterge mamandandyrylǵan medıtsınalyq kómek kórsetíledí.