Almaty qalasynyń Jambyl atyndaǵy qalalyq jasóspírímder kítaphanasynyń mamandary «Kítap oquǵa qūshtarlyq» atty joba ayasynda túzeu mekemesíndegí jastar arasynda kítap oqudan jarys ótkízdí, – dep habarlaıdy aqshamnews.kz tílshísí.
Almaty qalasy Qylmystyq-atqaru júıesí departamentíníń №11 mekemesínde kítaphana bar. Ístí bolyp, jazasyn ótep jatqan jasóspírímder bos uaqytynda kítap oqıdy.
Juyrda Almaty qalasynyń Jambyl atyndaǵy qalalyq jasóspírímder kítaphanasynyń mamandary «Kítap oquǵa qūshtarlyq» atty joba ayasynda túzeu mekemesíndegí jastar arasynda kítap oqudan jarys ótkízdí. Oǵan atalmysh kítaphanananyń beldí qyzmetkerí Sharaına Qūmarova qazylyq ettí. Sondaı-aq mekemedegí jalpy bílím beretín mekteptíń tíl mamany Aızada Alıeva jáne SAÁPTJB bastyǵy ádílet maıory Baǵdat Talapbaev boldy.
Ís-sharaǵa kítapqūmar 16 jasóspírím qatysty. Olar oqyǵan kítaptarynyń mán-mazmūnyn, ne túsíngenín bayandap berdí. Balalar oqyǵan kítaptardyń arasynda Abaıdyń, Dulat Isabekovtíń, Berdíbek Soqpaqbaevtyń tuyndylary boldy. Jastar sondaı-aq shytyrman oqıǵalarǵa toly detektıv shyǵarmalardy, orys klassıkterín de súıíp oqıtynyn baıqatty.
Kítapqa qūmar jastarǵa eshqaısysyn bólíp-jarmaı, báríne oquǵa qūshtarlyǵy, jaqsylyqqa ūmtylysy úshín «Alǵys hat» tabystaldy.