Almaty qalasynyń ákímí Darhan Satybaldy kommunaldyq jármeńkelerdí damytu jáne jańǵyrtu máselesí boıynsha jūmys keńesín ótkízdí, – dep habarlaıdy aqshamnews.kz tílshísí.
Jıynda qazírgí jaǵdaı, jańa nysandar salu jospary, sondaı-aq halyqqa ónímníń qoljetímdílígín arttyru jáne kásípkerler úshín qolaıly orta jasau jaıy talqylandy.
Qalada zamanauı jármeńkelerdíń bíryńǵaı tūjyrymdamasy qalyptasyp jatqany atap ótíldí. Būl standarttalǵan dızaın engízu, ınfraqūrylymdy jetíldíru jáne sauda úderísíníń ashyqtyǵyn qamtamasyz etuge baǵyttalǵan. Joba ayasynda aumaǵy 850 sharshy metrden asatyn jańa sauda alańdaryn ashu josparlanǵan. Onda jabyq jáne ashyq pavılondar, qoǵamdyq tamaqtanu oryndary, avtotūraqtar jáne kóríktendírílgen aumaq qarastyrylady. Sondaı-aq, 150-den astam otandyq óndírushíníń qatysuy qamtamasyz etílíp, áleumettík mańyzy bar ónímderdí keń assortımentte árí qoljetímdí baǵamen ūsynuǵa múmkíndík beríledí.
Keıber jobalardy qalanyń túrlí audandarynda, sonyń íshínde «Qazaqfılm» shaǵynaudany men Ótegen batyr kóshesí boıynda íske asyruǵa basymdyq beríledí. Aldyn ala esepteuge sáıkes, jármeńkelerdíń jańa formaty tūraqty ekonomıkalyq model qalyptastyryp, jobalardy keńeıtuge jol ashady.
Qala ákímí qūrylys merzímín saqtau men sanıtarlyq árí qūrylys talaptaryn qatań oryndau qajettígín erekshe atap óttí.
Keńes qorytyndysy boıynsha jer telímderín rásímdeudí jedeldetu, ınvestorlarmen jūmysty júıeleu jáne kommunaldyq jármeńkelerdí basqaru tıímdílígín arttyru boıynsha naqty tapsyrmalar beríldí.