Almaty qalasynda qylmystyq-atqaru júıesí mekemesíníń aumaǵyna tyıym salynǵan zattardy alyp kírudíń kezektí áreketíníń joly kesíldí, – dep habarlaıdy Aqshamnews.kz.
Jyl basynan berí osyndaı úsh derek tírkelgen, olardyń barlyǵy Almaty qalasyndaǵy tergeu ızolyatorynda bolǵan. Al ótken jyly qaladaǵy mekemelerde osyndaı 11 jaǵdaı anyqtalǵan. Kóptegen profılaktıkalyq túsíndíru jūmysy men resmı eskertulerge qaramastan, keıbír azamattar rejımdík aumaqtarǵa tyıym salynǵan zattardy alyp kíruge áreket jasaudy jalǵastyruda.
Būl rette qylmystyq-atqaru júıesí mekemelerínde tūraqty túrde aldyn alu sharalary ūıymdastyrylady: kelushílermen jeke túsíndíru jūmystary ótkízíledí, aqparattyq jadynamalar taratylady, kíreberísterde eskertu taqtaıshalary ornalastyrylǵan.
Sonymen qatar qyzmetkerler tarapynan beınebaqylau kúsheıtílíp, ótkízíletín sálemdemeler men zattarǵa mūqıyat tekseru júrgízíledí. Mekeme ákímshílígí azamattardy zań talaptaryn qatań saqtauǵa shaqyrady. Tyıym salynǵan zattardy alyp kíru nemese ótkízu áreketí belgílengen tártíptí óreskel būzuǵa jatady jáne qoldanystaǵy zańnamaǵa sáıkes ákímshílík ne qylmystyq jauapkershílíkke ákep soǵady. Qylmystyq-atqaru júıesí qyzmetkerlerí profılaktıkalyq jūmystar aldaǵy uaqytta da jalǵasatynyn jáne qūqyq būzushylyqtardyń aldyn alu basty nazarda ekenín atap óttí.
