Máskeude halyqaralyq meıramhanalyq syılyq - WHERETOEAT INTERNATIONAL 2026 tabystau rásímí óttí. Būl syılyq Michelin Guide jáne The World’s 50 Best Restaurants reıtıngteríníń básekelesí sanalady, – dep habarlaıdy aqshamnews.kz tílshísí.
Syılyq Reseı, Qazaqstan, Belarus, Ázerbaıjan, Armenıya, Gruzıya jáne Ózbekstan meıramhanalaryn bíríktírdí.
Baıqau qorytyndysy boıynsha Almatydaǵy AUYL meıramhanasy eń úzdík ondyqqa eníp, jalpy reıtıngte 8-oryndy ıelendí.
«Jyl restoratory» nomınatsıyasynda Almaty ókílí, ABR holdıngíníń negízín qalaushy Askar Baıtasov jeńíske jettí.
Syılyq nátıjelerí Qazaqstannyń, atap aıtqanda Almatynyń halyqaralyq gastronomıyalyq ındustrıyadaǵy rólíníń artyp kele jatqanyn kórsetíp, meıramhana bıznesíníń joǵary deńgeıde damyǵanyn rastady.
«Almatydan shyqqan meıramhananyń úzdík 10-dyqqa enuí jáne el ókílíníń negízgí nomınatsıyalardyń bírínde jeńíske jetuí — Qazaqstannyń gastroındustrıyasy jetken deńgeıdíń aıqyn kórsetkíshí», — dep atap óttí syılyq ūıymdastyrushylary.
Almaty - eldegí eń írí turıstík ortalyqtardyń bírí: ótken jyldyń 9 aıynda qalaǵa 1,87 mln adam kelgen, onyń íshínde 563 myńnan astamy - sheteldík turıster.
Gastronomıya qala turıstík tartymdylyǵynyń negízgí faktorlarynyń bírí bolyp qala beredí: turıster shyǵyndarynyń 27%-ǵa juyǵy tamaqtanu men meıramhanalarǵa baruǵa jūmsalady.