2026 jyly Almaty halyqaralyq deńgeıdegí mádenı, sporttyq jáne oıyn-sauyq ís-sharalaryna toly jyl bolmaq. Qala oqıǵalyq turızm ortalyǵy retíndegí mártebesín nyǵaıtyp, tūrǵyndar men qonaqtarǵa mazmūndy árí auqymdy baǵdarlama ūsynudy jalǵastyrady, – dep habarlaıdy aqshamnews.kz tílshísí.
Mūndaı ís-sharalarǵa degen qyzyǵushylyq saraptamalyq derektermen de rastalady. Mastercard málímetínshe, 2025 jyly Almatyda 11-den astam írí halyqaralyq ís-shara ótken. Olar turıster sanynyń artuyna jáne qalanyń ekonomıkalyq belsendílígíníń kúsheyuíne aıtarlyqtaı áser etken. Mysaly, keıbír írí ís-sharalar kezínde sheteldík qonaqtardyń shyǵyny 16%-ǵa deıín ósken.
Olardyń qatarynda «Qaırat – Real Madrıd» futbol matchy, Jennifer Lopez pen Backstreet Boys kontsertí, sondaı-aq Park Live festıvalí, Almaty Marathon jáne halyqaralyq sporttyq turnırler bar.
2026 jyly Almaty osy qarqyndy saqtaıdy. Mausym 19 sáuírde qalanyń ortalyq kóshelerínde ótetín Almaty Half Marathon kóktemgí jarysymen ashylady.
22 sáuírde Almaty Arena-da aty ańyzǵa aınalǵan brıtandyq Deep Purple rok toby óner kórsetedí.
4-5 mamyr kúnderí Atakent Expo Center alańynda alǵash ret Ortalyq Azıya men Kavkazdaǵy írí tehnologıyalyq jáne jasandy ıntellektke arnalǵan ís-sharalardyń bírí GITEX AI Kazakhstan ótedí.
8 mamyrda osy alańda Lost Frequencies qatysatyn First Fest elektrondy muzyka festıvalí ūıymdastyrylady. Sol kúní Respublıka saraıynda eurodısko jūldyzy C.C. Catch C. C. Catch kontsert beredí.
16 mamyrda Ortalyq stadıonda SOLANA festıvalí ótíp, onda Flo Rida, Tyga jáne Busta Rhymes óner kórsetedí.
11–14 mausym aralyǵynda Almaty Arena-da januarlardy paıdalanbaıtyn zamanauı tsırk — Cirque du Soleil gastroldík shouy ūsynylady.
27 mausymda Pervomaı toǵandarynda halyqaralyq artıster qatysatyn Satisfaction Fest elektrondy muzyka festıvalí ótedí. Al 28 mausymda «Spartak» stadıonynda Megadeth tobynyń kontsertí josparlanǵan.
18 shíldede «Spartak» stadıonynda Ricky Martin kontsertí ótedí. Arnaıy qonaq retínde Natalie Imbruglia qatysady.
21-23 tamyz kúnderí Pervomaı toǵandarynda Park Live festıvalí ótíp, onda Gorillaz jáne Jack White qatysady.
Mausym 5 qyrkúıekte Ortalyq stadıonda ótetín Enrique Iglesias kontsertímen qorytyndylanady.
Būl auqymdy ís-sharalar qalaǵa turısterdíń qyzyǵushylyǵyn arttyryp qana qoımaı, Almatynyń ekonomıkasy men halyqaralyq bedelíne oń áser etedí dep boljanyp otyr.