Astanada 15 sáuírde bastamashyl top jańa «Ádílet» sayası partıyasyn qūru nıetí turaly resmı málímdeme jasady. Jańa partıya ózín progressıvtí reformalardyń jaqtaushysy, Ádílettí Qazaqstandy qūru, zań ústemdígín nyǵaıtu jáne sheshím qabyldau protsesíne azamattardyń keńínen qatysuyn qamtamasyz etudí qoldaushy retínde tanytady, – dep habarlaıdy aqshamnews.kz tílshísí.
«Ádílet» partıyasynyń negízgí maqsaty men míndetterí – Jańa Konstıtutsıya qaǵıdattary men Ádílettí Qazaqstan qūndylyqtary negízínde Qazaqstan Respublıkasy azamattarynyń qūqyqtaryn, bostandyqtary men múddelerín qorǵau.
Jańa ūıymnyń mıssıyasy – 2026 jylǵy 15 nauryzda ótken referendumda qabyldanǵan jańa Konstıtutsıya erejeleríníń qatań saqtaluyn qamtamasyz etu. Jańa partıya progressıvtí jastardy, túrlí sala mamandaryn, qala men auyl tūrǵyndaryn, yaǵnı otandastarymyzdyń múddelerín shynaıy qorǵauǵa jáne barshaǵa ortaq ádíldíktí ornatuǵa atsalysuǵa daıyn qazaqstandyqtardyń basyn bíríktíredí.
«Bíz ekonomıkasy quatty, barshaǵa keń múmkíndík beretín jáne álemdík qoǵamdastyqta abyroıly da bedeldí, Ádílettí memleket qūru jáne ony nyǵaıtuǵa múddelí barlyq azamattardyń kúsh-jígerín bíríktírgímíz keledí», - dep málímdedí bastamashylar.
ÁDÍLDÍK, PATRIOTIZM, EŃBEKQORLYQ, JAUAPKERShÍLÍK jáne PROGRESS qūndylyqtaryna súıene otyryp, partıya bastamashylary mynadaı basymdyqtardy jarıyalady:
Barlyq qazaqstandyqtar úshín múmkíndíkter teńdígín qamtamasyz etu, klandyq, óńírlík erekshelíkterdíń yqpalyn azaıtu;
Táuelsíz, tıímdí árí obektıvtí qūqyq qorǵau jáne sot júıesín nyǵaıtu;
Ekonomıkalyq ádíldík pen Qazaqstannyń tūraqty damuy.
Jańa partıya ózíníń sayası kún tártíbín qalyptastyru ayasynda azamattyq qoǵam ókílderí, sarapshylar jáne sala mamandarymen tyǵyz yqpaldasuǵa nıettí.
16 sáuírde bastamashy top Qazaqstan Respublıkasynyń Ádílet mınıstrlígíne tírkeuge daıyndyq rásímín bastau turaly ótínísh jíberedí jáne jaqyn arada partıyanyń qūryltaı sezín ótkízudí josparlady.