15 sáuír kúní Almaty qalasynyń Bílím basqarmasy Óńírlík kommunıkatsıyalar qyzmetímen megapolıstíń úsh jetekshí kolledjíne, WorldSkills Almaty–2026 óńírlík kezeńíníń jeńímpazdaryn Astanada ótetín WorldSkills Kazakhstan–2026 respublıkalyq chempıonatyna dayarlau barysyna arnalǵan press-tur ūıymdastyrdy, – dep habarlaıdy aqshamnews.kz tílshísí.
«WorldSkills óńírlík kezeńí jeńímpazdaryn respublıkalyq chempıonatqa daıyndau – tek kásíbı daǵdylardy jetíldíru ǵana emes. Būl – qalanyń adamı kapıtalyna baǵyttalǵan strategıyalyq ınvestıtsıya.
Almaty qalasynyń Bílím basqarmasynda «Búgínde kolledj studentteríníń eń zamanauı qūzyretterdí meńgeríp jatqanyn kóríp otyrmyz, būl Qazaqstan Prezıdentí Qasym-Jomart Toqaev jarıyalaǵan Tsıfrlandyru jáne jasandy ıntellekt jylynyń míndetterímen tíkeleı úndesedí», – dedí Bílím basqarmasynyń strategıya jáne kásíptík bílím beru bólímíníń basshysy Erík Ábíshaev.
Jurnalıster men blogerlerge zamanauı bílím beru tehnologıyalary tanystyryldy. Ís-shara tehnıkalyq jáne kásíptík bílím beru (TjKB) júıesíníń bedelín arttyruǵa, sondaı-aq kolledjderdíń tsıfrlandyru men ınnovatsıyalardy engízu baǵytyna sáıkes qala jáne el ekonomıkasy úshín kadrlar dayarlaudaǵy úlesín kórsetuge baǵyttaldy.
Būl kúní kolledjder «Sandyq baǵdarlamalyq basqaru (CNC) stanoktaryndaǵy frezerlík jūmystar», «Aqparattyq-kommunıkatsıyalyq tehnologıyalar (AKT) jelíleríníń ınfraqūrylymy» jáne «Bastauysh synyptarda oqytu» qūzyretterí boıynsha studentterdí dayarlau protsesín kórsettí.
Almaty jolaushylar kólígí jáne tehnologıyalar kolledjí: tokarlyq jáne frezerlík jūmystar sheberlígí
Baǵyttyń alǵashqy núktesí «ChPU stanoktaryndaǵy tokarlyq jūmystar» jáne «ChPU stanoktaryndaǵy frezerlík jūmystar» qūzyretterí boıynsha óńírlík chempıonat jeńímpazy – Almaty jolaushylar kólígí jáne tehnologıyalar kolledjí boldy. Kolledj bazasynda kólík, mashına jasau jáne energetıka salalary boıynsha 6 mamandyqta oqytu júrgízíletín zamanauı Qūzyretter ortalyǵy jūmys ísteıdí.
Jurnalısterge júldegerler – 1-kurs studentterí Lamına Amınova men Mılana Dımıtrova, sondaı-aq 2-kurs studentí Ilya Baboevtíń daıyndyq barysy kórsetíldí. Bolashaq tokarlar CAD/CAM júıelerínde baǵdarlamalau daǵdylaryn jáne joǵary dáldíktegí jabdyqtarmen jūmys ísteu sheberlígín kórsettí.
«WSA-2026-daǵy jeńís men úshín tabandylyq pen mamandyqqa degen súıíspenshílíktíń joǵary nátıjege jetkízetíníníń dálelí boldy. Qazír men Shanhaıǵa daıyndalyp jatyrmyn, bízdíń tokarlyq mekteptíń álemdegí eń myqtylardyń bírí ekenín dáleldegím keledí», – dedí Lamın Amınov.
«Bízdíń studentterdíń joǵary nátıjelerí kezdeısoq emes. Onyń artynda kúndelíktí eńbek, tártíp jáne mamandyqqa degen shynaıy qyzyǵushylyq jatyr. Olardyń jetístígí – júıelí jūmystyń jáne naǵyz kásíbı maman boluǵa degen zor ūmtylystyń nátıjesí», – dep atap óttí kolledj dırektory Seıtbek Súleımenov.
Almaty telekommunıkatsıya jáne mashına jasau kolledjí: AKT jelílerí ınfraqūrylymy
Almaty telekommunıkatsıya jáne mashına jasau kolledjínde «AKT jelíleríníń ınfraqūrylymy» qūzyretí boıynsha jeńímpaz daıyndaluda. Oqu ornynda qūny 1,8 mlrd teńge bolatyn jabdyqtarmen qamtamasyz etílgen Qūzyretter ortalyǵy bar.
Óńírlík kezeń júldegerí, 2-kurs studentí Maksım Nehaıchık press-tur barysynda marshruttaudy baptau men aqparattyq qauípsízdíktí qamtamasyz etu protsesín ís júzínde kórsettí. Qazírgí uaqytta ol respublıkalyq kezeńge qarqyndy daıyndyq júrgízude.
«AKT jelíleríníń ınfraqūrylymy» qūzyretí tek bílímdí ǵana emes, praktıkalyq tájírıbení de talap etedí. Óńírlík kezeń maǵan senímdílík berdí, endí respublıkalyq deńgeıde odan da joǵary nátıje kórsetuge daıyndalyp jatyrmyn. Qazírgí tsıfrlandyru dáuírínde mūndaı daǵdylar jastardyń tabysqa jetuíne múmkíndík beredí», – dedí Maksım Nehaıchık.
«AKT salasy mamandaryn dayarlau – kolledjímízdíń basym baǵyttarynyń bírí. Óńírlík chempıonattaǵy nátıje bílím alushylardyń dayarlyq deńgeıíníń joǵary ekenín jáne qūrylǵan bílím beru ortasynyń tıímdílígín dáleldeıdí. Bíz eńbek naryǵynda bírden sūranysqa ıe kadrlardy dayarlaımyz», – dep málímdedí kolledj dırektory Ardak Qodjahmetova.
№1 Almaty qazaq gumanıtarlyq-pedagogıkalyq kolledjí: bastauysh synyptardaǵy oqytu
Press-turdyń qorytyndy kezeńí «Bastauysh synyptarda oqytu» qūzyretí boıynsha jeńímpaz №1 Almaty qazaq gumanıtarlyq-pedagogıkalyq kolledjíne barumen ayaqtaldy. 1978 jyldan bastau alatyn būl oqu orny búgínde 4K modelín damytuǵa basymdyq beredí: kreatıvtílík, synı oılau, kommunıkatsıya jáne komandalyq jūmys.
Óńírlík kezeńde Í oryndy ıelengen 3-kurs studentí Qaraqat Tulyaubaı jurnalıstermen bolashaqtaǵy oqushylardy oqytudaǵy óz tásílímen bólístí.
«Maǵan tabysqa jetuge árbír pedagog balalardyń boıynda bílímge degen súıíspenshílíktí oyata alady degen shynaıy sením kómektestí. Bíz tek óz kolledjímízdí ǵana emes, mektepterge aparatyn ıgí mıssıyamyzdy da tanystyramyz. Jeńís – óz shákírtteríne úzdík tálímger boluǵa degen ūmtylystan bastalady», – dedí Qaraqat Tulyaubaı.
«Bízdíń maqsatymyz – jańa tehnologıyalarmen jūmys ísteı alatyn jáne oqushylardyń funktsıonaldyq sauattylyǵyn damytatyn SMART-pedagogtardy dayarlau. Malaızıya, Sıngapur, Shvetsıya jáne Fınlyandıyadaǵy halyqaralyq taǵylymdamalardyń arqasynda bíz úzdík tájírıbelerdí, sonyń íshínde ınklyuzıvtí bílím beru men tsıfrlyq qūraldardy oqu protsesíne engízíp otyrmyz», – dep túıíndedí kolledj dırektory Maǵıshat Mendgazıeva.
TjKB júıesíníń qala jáne el ekonomıkasyna qosqan úlesí
Press-tur Almaty qalasynyń tehnıkalyq jáne kásíptík bílím beru júıesíníń aldyńǵy qatarda ekenín aıqyn kórsettí. Túlekterdíń jūmyspen qamtylu deńgeıíníń joǵary boluy (shamamen 97,8%), zamanauı materıaldyq-tehnıkalyq baza jáne jūmys berushílermen tyǵyz baılanys básekege qabílettí kadrlar dayarlauǵa múmkíndík beredí.
Almaty qalasynyń Bílím basqarmasy atap ótkendeı, WorldSkills chempıonattaryna qatysu, qarqyndy ǵylymı qyzmet jáne ekonomıkanyń sūranysyna baǵdarlanu Almaty kolledjderín joǵary bílíktí mamandar dayarlaıtyn ortalyqqa aınaldyryp otyr. Būl oqu oryndarynyń túlekterí búgínde Qazaqstannyń tsıfrlyq transformatsıyasyna, mashına jasau salasyna jáne bílím beru júıesíne eleulí úles qosyp, qalanyń elímízdíń bílím beru haby retíndegí joǵary mártebesín nyǵaıtyp jatyr.