Bastamashyl top jańa "Ádílet" sayası partıyasy qūrylatyny turaly resmı málímdeme jasady, – dep habarlaıdy aqshamnews.kz tílshísí.
Qūryltaı saılauy qarsańynda elímízde jańa partıya tírkeledí. Partıyanyń basty maqsaty – jańa Konstıtutsıya qaǵıdattaryna súıene otyryp, azamattardyń qūqyqtary men bostandyqtaryn qorǵau jáne "Ádílettí Qazaqstan" qūndylyqtaryn júzege asyru.
Jańa ūıym ózín progressıvtí reformalardy qoldaıtyn, zań ústemdígín nyǵaıtudy jáne azamattardyń sheshím qabyldau protsesíne qatysuyn arttyrudy kózdeıtín sayası kúsh retínde tanystyrdy.
Bastamashylardyń aıtuynsha, partıya bírneshe negízgí baǵytqa basymdyq beredí.
Atap aıtqanda:
barlyq azamatqa teń múmkíndík jasau;
qūqyq qorǵau jáne sot júıesíníń táuelsízdígín kúsheıtu;
ekonomıkalyq ádíldík pen tūraqty damudy qamtamasyz etu.
Bastamashyl top 16 sáuírde Ádílet mınıstrlígíne tírkeu rásímín bastau turaly ótínísh joldamaq. Al aldaǵy uaqytta partıyanyń qūryltaı sezín ótkízedí.
Jańa partıya qūru turaly málímdemege qol qoıǵandar qatarynda Gúlzıra Atabaeva, Renat Bekturov, Qarlyǵash Jamanqūlova, Dınara Zákıeva, Rauan Kenjehanūly, Laura Qarabasova, Andreı Lavrentev, Nūrbek Matjanı, Marat Shıbutov, Lázzat Shyńǵysbaeva jáne basqalar bar.