Óńírlík kommunıkatsıyalar qyzmetínde ótken brıfıngte Almaty qalasy Bílím basqarmasynyń strategıya jáne kásíptík bílím beru bólímíníń basshysy Erík Ábíshaev tehnıkalyq jáne kásíptík bílím beru júıesíndegí dualdy oqytudy damytu barysy men halyqaralyq yntymaqtastyq turaly aıtyp berdí.
Spıkerdíń aıtuynsha, kolledjder óndírís oryndarymen tyǵyz baılanysyp bílím beredí eken. Qazír 22 myńnan astam student, yaǵnı tegín oqıtyndardyń 43,7%-y osy dualdy oqytu júıesí boıynsha bílím alyp jatyr.
"Dualdy oqytu studentterge óndírís ornynyń ózínde kásíbı daǵdyny meńgeríp alyp, olardy eńbek naryǵyna jūmys ístegen, tájírıbesí bar maman bolyp baruyna múmkíndík beredí", – deıdí Erík Ábíshaev.
Būl modeldí íske asyru maqsatynda 71 mamandyq boıynsha 770 kásíporynmen kelísímshart jasalǵan. 2025 jyldyń qorytyndysy boıynsha kolledj túlekterín jūmysqa ornalastyru deńgeıí 94,3%-dy qūrady, onyń íshínde 17 myńnan astam túlek tūraqty jūmysqa ornalasqan.
Sonymen qatar, sheteldík seríktestermen yntymaqtastyq ayasynda Almatynyń alty kolledjínen 110 student Qytaıda, taǵy 16 student Germanıyanyń kásíporyndarynda aqyly óndírístík praktıkadan ótíp qaıtty.
"Halyqaralyq praktıka men qos dıplomdy bílím beru baǵdarlamasy studentterge básekege qabílettí daǵdyny meńgeríp, eldíń sheńberínen shyǵyp, halyqaralyq eńbek naryǵynda da sūranysqa ıe boluyna sep bolyp otyr", – dep atap óttí spıker.
Tehnıkalyq jáne kásíptík bílím beru júıesínde studentterdíń kásíbı daǵdylaryn halyqaralyq standarttarǵa saı damytuǵa erekshe kóńíl bólínedí. Almatynyń memlekettík kolledjderínde WorldSkills standarttary boıynsha demonstratsıyalyq emtıhandar engízílgen. Būl emtıhandar túlekterdíń kásíbı daıyndyq deńgeıín obektıvtí túrde baǵalauǵa múmkíndík beredí.
Spıkerdíń aıtuynsha, būl studentterge óz daǵdysyn rastap, jūmys berushílerge bolashaq mamandardyń daıyndyq deńgeıín kóruge jol ashady.
2025 jyly demonstratsıyalyq emtıhandarǵa 3 620 túlek qatysyp, olardyń 3 521-í Skills Passport ıegerí atandy. Almatyda studentterdíń mashyqtanuyn óndíríske barynsha jaqyn ortada jetíldíretín 18 qūzyretter ortalyǵy jūmys ísteıdí. WorldSkills aımaqtyq jáne íríkteu chempıonatynyń qorytyndysy boıynsha jeńímpazdarǵa ákímdík tarapynan jalpy somasy 9 mln teńge kólemínde aqshalaı syıaqy tólendí.