2026 jyldyń bírínshí toqsanynda Almatyda azamattardyń 3 myńǵa juyq ótíníshí qaralyp, eńbek zańnamasyn būzǵan 300-den astam oqıǵa anyqtaldy, – dep habarlaıdy aqshamnews.kz tílshísí.
Būl turaly Óńírlík kommunıkatsıyalar qyzmetínde ótken baspasóz konferentsıyasynda, qalalyq memlekettík eńbek ınspektsıyasy departamentíníń jūmysyn qorytyndylaǵan kezde habarlap aıtty.
Departament basshysynyń orynbasary Qasymbek Saılauovtyń aıtuynsha, osy uaqytta jeke jáne zańdy tūlǵalardan 2 969 ótínísh kelíp túsíptí. Sodan 297 jospardan tys tekseru júrgízílíp, 331 zań būzushylyq anyqtalǵan eken, onyń basym bólígí eńbek qatynasyna qatysty bolyp shyqqan.
«Bírínshí toqsanda bíz azamattardyń eńbek qūqyǵyn qorǵau baǵytynda úlken jūmys júrgízdík. 3 myńǵa juyq ótíníshtí qarap, shamamen 300 tekseru ótkízdík. Nátıjesínde 300-den astam zań būzushylyq anyqtaldy, olardyń kópshílígí eńbekaqy tóleuge baılanysty. Būl qyzmetkerlerdí qorǵau máselesí álí de ózektí ekenín kórsetedí», — deıdí Qasymbek Saılauov.
Tekseru qorytyndysy boıynsha 202 nūsqama berílíp, onyń 140-y oryndalǵan, būl — 69,3%. 159 tūlǵa ákímshílík jauapkershílíkke tartylyp, aıyppūldyń jalpy somasy 33,4 mln teńgege jettí, onyń 18,1 mln teńgesí óndíríldí. Óndíríste 14 oqys oqıǵa tírkelíp, 14 qyzmetker zardap shekken.
«Bíz zań būzushylyqty anyqtap qana qoımaı, ony joyuǵa da kóńíl bólemíz. Aıyppūldyń 60%-dan astamy óndíríldí, nūsqamanyń da basym bólígí oryndaldy. Óndíríste jaraqat alu jaǵyn da baqylap otyrmyz, óıtkení qyzmetkerlerdíń qauípsízdígí — basty basymdyqtyń bírí», — deıdí ol.
Qazír 63 qyzmetkerge 31,6 mln teńge bereshek bolyp qalǵan 4 kásíporyn bar. Osyndaı ūıymnyń qatarynda «Begaly» jeke kásíp ıesí men bírneshe jekemenshík mektep te bar, olar da jalaqy men ótemaqy jaǵynan qaryz.
«Eńbekaqysyn ótemegen kásíporyndar boıynsha júıelí jūmys júrgízílíp jatyr. Bíz nūsqama beríp, aıyppūl salyp, materıaldardy májbúrlep oryndauǵa jíberdík. Jaǵdaıdy baqylauda ūstap otyrmyz, íshínara tólem jasalyp jatyr, eńbek dauyna negíz joq», — dep atap óttí spıker.
Jalpy, osy kezeńde departament júrgízgen jūmystyń arqasynda 45 kásíporynda 44,1 mln teńge kólemíndegí eńbekaqy qaryzy ótelíp, 78 qyzmetkerdíń qūqyǵy qorǵaldy. Byltyr 163 ūıymda 1 mlrd teńgeden astam qaryz ótelíp, shamamen 2,9 myń qyzmetkerdíń aldyndaǵy bereshek jabylǵan.
Departament túsíndíru jūmysyn da júrgízíp jatyr: 183 adam qatysqan 5 kezdesu ótíp, 150 azamatqa keńes berílíp, prokuratura jáne kásípodaqtarmen bírlesíp 32 kóshpelí ís-shara ūıymdastyryldy. Sondaı-aq úshjaqty komıssıya otyrysy tūraqty ótíp, azamattardy kúndelíktí qabyldap jatyr.
Mekemede eńbek naryǵyndaǵy jaǵdaıdy baqylau men qūqyq būzushylyqtyń aldyn alu jūmysy aldaǵy uaqytta da jalǵasatynyn jetkízdí.