Almatyda Mūhtar Áuezov atyndaǵy Memlekettík akademıyalyq teatrdy qaıta jańǵyrtu jūmystary toqtatyldy degen aqparatqa baılanysty QR Mádenıet jáne aqparat mınıstrlígí resmı túsíníkteme berdí, dep habarlaıdy Aqshamnews.kz tílshísí.
Vedomstvo málímetínshe, teatrdyń rekonstruktsıyasy toqtatylǵan joq. Qazírgí tańda joba jańa qarjy jylynyń bastaluyn kútíp otyr, odan keıín belgílengen tártíppen jūmystardy jalǵastyruǵa qajettí qarajat bólínedí.
"Bírqatar būqaralyq aqparat qūraldarynda M. Áuezov atyndaǵy teatrdy qaıta jańǵyrtu jūmystarynyń bayau júríp jatqany nemese toqtatylyp tūrǵany turaly jarıyalanǵan aqparattarǵa baılanysty tómendegíní habarlaımyz. Nysandy qaıta jańǵyrtu jūmystary toqtatylǵan joq. Qazírgí uaqytta joba jańa qarjy jylynyń bastaluyn kútude, sodan keıín belgílengen tártípke sáıkes jūmystardy jalǵastyru úshín qajettí qarajat bólínedí. Nysandaǵy jóndeu jūmystary uákílettí memlekettík organdardyń tūraqty baqylauynda. M. Áuezov atyndaǵy teatrdy qaıta jańǵyrtu onyń tarıhı jáne mádenı qūndylyǵyn saqtauǵa qoıylatyn barlyq talaptardy saqtaı otyryp, tolyq ayaqtalatyn bolady", - delíngen jauapta.
Mınıstrlík ókílderí nysandaǵy jóndeu jáne qaıta qūru jūmystary uákílettí memlekettík organdardyń tūraqty baqylauynda ekenín atap óttí. Jobany íske asyrudyń barlyq kezeńí bekítílgen rásímder men normatıvterge sáıkes júrgízílíp jatyr.
Sondaı-aq mınıstrlík teatrdy jańǵyrtu jūmystary tolyq kólemde ayaqtalatynyn jáne onyń tarıhı árí mádenı qūndylyǵyn saqtau talaptary qatań saqtalatynyn málímdedí.