Almatydaǵy Almaly audanynda ekí medıtsınalyq nysan, ońaltu ortalyǵy men jańa mektepter ashylady, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde ótken brıfıngte Arman Shámshın Almaly audanynda bílím beru, densaulyq saqtau men sport júıesí qalaı damyp jatqanyn bayandady.
Onyń aıtuynsha, búgínde audanda 49 mektep, 60 balabaqsha men 25 medıtsınalyq ūıym jūmys ísteıdí. Áleumettík ınfraqūrylymdy jańartu men keńeıtu jūmysy bírneshe baǵyt boıynsha júrgízílíp jatyr.
Bílím beru salasynda bıyl bírneshe írí joba júzege asyryla bastaǵan.
Atap aıtqanda, qyrkúıek aıyna deıín 600 oqushyǵa arnalǵan №58 mekteptíń ǵımaraty qaıta jańǵyrtylady. Mausym aıynda №16 mektepke 300 oryndyq qosymsha ǵımarat paıdalanuǵa beríledí, sondaı-aq №124 mektep ǵımaratyna seısmıkalyq kúsheıtu jūmysy men kúrdelí jóndeu ayaqtalady.
№128 mektep boıynsha jobalyq-smetalyq qūjattama daıyndalyp jatyr. №134 pen №135 mektepke qatysty seısmıkalyq kúsheıtu jūmysynan bas tartu turaly sheshím qabyldandy: memlekettík saraptama qorytyndysy boıynsha būl jūmys tıímsíz dep tanylǵan, qazír qūjattar qaıta qaralyp jatyr.
Mektepke deıíngí bílím beru júıesínde de jańartu jūmystary josparlanǵan. Mausym aıynda №10 balabaqshada kúrdelí jóndeu ayaqtalyp, shílde aıynda Tastaq shaǵynaudanynda jańa balabaqsha paıdalanuǵa berílmek.
Qosymsha taǵy tórt mekemege — №13, №21, №43 balabaqsha men Máulenov kóshesíndegí «Teremok» balabaqshasyna kúrdelí jóndeu júrgízu úshín jobalyq qūjattama ázírleníp jatyr.
Densaulyq saqtau salasynda jyl sońyna deıín audanda ekí mańyzdy nysan ashylady: jańa perzenthana men bír auysymda 500 adam qabyldaıtyn zamandyq emhana (Aıteke bı men Masanchı kóshesíníń qıylysynda ornalasqan). Arman Shámshınníń aıtuynsha, qūrylys jūmysy bekítílgen kestege sáıkes júrgízílíp jatyr.
Sonymen qatar, Abylaı han dańǵylynyń boıynda balalarǵa arnalǵan qalalyq ońaltu ortalyǵy ashylady. Joba qazír memlekettík saraptamadan óte bastady.
Sport salasynda Tastaq shaǵynaudanynda múmkíndígí shekteulí jandarǵa arnalǵan kópfunktsıonaldy sport ortalyǵy salynyp jatyr. Qazírgí tańda nysannyń daıyndyq deńgeıí 40%-dy qūraıdy, qūrylysty qarasha aıynda ayaqtalady.
Arman Shámshın atap ótkendeı, barlyq joba audan tūrǵyndary úshín áleumettík qyzmetterdíń qoljetímdílígí men sapasyn arttyruǵa baǵyttalǵan.