Almatyda qazír 17 konfessıyaǵa jatatyn 190 dínı bírlestík jūmys ísteıdí, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde ótken brıfıngte Almaty qalasy Dín ísterí basqarmasynyń basshysy Nūrlan Qıqymov osylaı dep málímdedí.
Dín ísterí basqarmasy konfessıyaaralyq dıalogty júıelí túrde damytyp, dínı ís-sharalardyń qauípsízdígín úılestíríp, qoǵamdyq kelísímdí nyǵaıtuǵa baǵyttalǵan bírlesken áleumettík bastamalardy júzege asyryp otyrady.
Spıkerdíń aıtuynsha, Almatyda 120 dínı nysan bar eken, onyń 56-sy meshít, 23 pravoslav shírkeuí men 8 katolık shírkeuí, 89 protestant qauymdastyǵy jáne bar. 4 dínı oqu orny, 7 namazhana men dínı ádebıet taratatyn 31 statsıonarlyq punkt te qyzmet etedí. 136 mıssıoner taǵy tírkelíptí.
«Bízdegí dín ūstanatyndardyń basym bólígí mūsylmandar men pravoslavtar. Meshítterge tūraqty túrde 80 myńnan astam adam barady, pravoslav shírkeuíne shamamen 20 myń adam, protestanttyq bírlestíkterge 30 myńǵa juyq adam baryp tūrady», – dep tolyqtyrdy óz sózín Nūrlan Qıqymov.
Konfessıyaaralyq kelísímdí nyǵaıtatyn dıalog alańy da damyp jatyr. Qalada dínı bírlestík basshylarynyń kluby jūmys ísteıdí, ol konfessıyalar men memlekettík organdardy baılanystyratyn mańyzdy tetíkke aınalǵan.
Byltyr klub 20 ís-shara ótkízdí, onyń íshínde Qazaqstan halqynyń bírlígí kúní men Konstıtutsıya kúníne arnalǵan kezdesu, forumdar, ekologıyalyq aktsıyalar men sporttyq ís-sharalar bar. Bıyl da osy jūmys jalǵasyp, klub kemínde 20 ís-shara ótkízudí josparlap otyr, bírínshí toqsanda-aq konfessıyaaralyq dıalogty nyǵaıtuǵa baǵyttalǵan 4 kezdesu óttí.
«Klub qyzmetíníń mańyzdy erekshelígí – dínı bírlestíkter bastamalaryn ózara qoldau. Basqarma men klub múshelerí qaladaǵy túrlí konfessıyalar ūıymdastyratyn ís-sharalarǵa belsene qatysady», – dep atap óttí spıker.
Dínı bírlestíkter qala ómíríne de aralasyp jatyr. Atap aıtqanda, olar «Taza Qazaqstan» ekologıyalyq aktsıyasyna qatysyp, senbílík ótkízíp, aumaqty abattandyru jūmysyna da atsalysyp júr. Dín ísterí basqarmasy men «Social Development Center» qoǵamdyq qory bírlesíp ūıymdastyrǵan, 700-den astam adamdy qamtyǵan Butakov shatqalyndaǵy úlken senbílík soǵan mysal.
Taǵy bír mańyzdy baǵyt – dínı ís-sharalardyń qauípsízdígín qamtamasyz etu. 2025–2026 jyldary basqarma Rojdestvo, Pasha, Ramazan men Oraza aıt sıyaqty negízgí dínı merekelerdí ótkízu jūmysyn úılestírdí. Barlyq ís-sharalar zań sheńberínde, oqys oqıǵasyz shtattyq rejımde óttí.
Qorytyndylaı kele, spıker Almatyda dínı ahualdyń tūraqty árí baqylauda ekenín, konfessıyalar arasynda yntymaqtastyq bar ekenín atap óttí.