Auqymdy ís-sharaǵa oblys tūrǵyndary, elímízdíń túrlí óńírlerínen kelgen qonaqtar, bıznes, ǵylym, ÍT salasynyń ókílderí men jastar kóptep jınaldy, – dep habarlaıdy aqshamnews.kz tílshísí.
Qostanaı qalasynda jyldyń eń írí otbasylyq ǵylymı-ınnovatsıyalyq festıvalí — «QOSTANAI TECH» óz jūmysyn jalǵastyruda.
Tańerteńnen bastap «Jastar saraıy» men oǵan írgeles aumaq ǵylymǵa, tehnologıyaǵa jáne tsıfrlyq ekonomıkanyń bolashaǵyna qyzyǵushylyq tanytqan jandardyń bas qosatyn ortalyǵyna aınaldy.
Festıvaldíń ashyluyna Qostanaı oblysynyń ákímí Qūmar Aqsaqalov qatysyp, búgínde tehnologıyalar men jasandy ıntellektíní damytu óńírdíń jáne tūtas eldíń básekege qabílettílígín aıqyndaıtyn basty faktorlardyń bíríne aınalǵanyn atap óttí.
— Búgínde tsıfrlandyru, robottandyru jáne jasandy ıntellekt óndírís, auyl sharuashylyǵy, densaulyq saqtau, bílím beru jáne qyzmet kórsetu salalaryna keńínen eníp otyr. Bízdíń basty míndetímíz — bílím ekonomıkasyn qalyptastyryp, jańa buyn mamandaryn dayarlau, — dedí óńír basshysy.
Festıvaldíń ískerlík baǵdarlamasyndaǵy erekshe oqıǵalardyń bírí — Nobel syılyǵynyń 2007 jylǵy laureaty, ońtústíkkoreyalyq dıplomat jáne ǵalym Ra Kvon Chungtyń onlaın baılanys arqyly qatysuy boldy.
Óz sózínde ol tehnologıyalyq damudyń tūraqty damu jáne ekologıyalyq jauapkershílíkpen tyǵyz baılanysta júruí qajettígín erekshe atap óttí.
— Ekonomıkalyq ósím bolashaq ūrpaq aldyndaǵy jauapkershílík pen qorshaǵan ortaǵa degen qamqorlyqsyz múmkín emes, — dedí Nobel laureaty festıval qatysushylaryna arnaǵan úndeuínde.
Osyndaı halyqaralyq deńgeıdegí spıkerdíń qatysuy forumnyń mártebesín arttyryp, ony tehnologıyalar men bolashaq máselelerí jóníndegí jahandyq dıalog alańy retínde aıqyndaı tústí.
Qazírgí uaqytta festıval ayasynda ınteraktıvtí aımaqtar, zamanauı tehnologıyalar kórmesí, VR jáne AI alańdary, robototehnıka zerthanalary, kıbersport arenasy, balalar men eresekterge arnalǵan ǵylymı shoular jūmys ísteude.
Qonaqtardyń erekshe qyzyǵushylyǵyn vırtualdy shyndyq arqyly auyl sharuashylyǵy tehnıkasyn basqaru, elektromobıl qūrastyru jelíleríníń sımulyatsıyasy jáne ınjenerlík sheberlík sabaqtary tudyryp otyr.
Sonymen qatar halyqaralyq jáne qazaqstandyq sarapshylardyń qatysuymen TED formatyndaǵy bayandamalar jalǵasuda.
Festıval álí de jalǵasuda. Alda qonaqtardy óndírístík ekskursıyalar, hakaton fınaly jáne úlken kontserttík baǵdarlama kútíp tūr.