Almaty qalasynyń joǵary oqu oryndarynyń studentterí arasynda ótken «SanaQ» zıyatkerlík shou oıynynyń eń tartysty kezeńí – grand-fınal óz máresíne jettí, – dep habarlaıdy aqshamnews.kz tílshísí.
Joba Almaty qalasy Íshkí sayasat basqarmasy qoldauymen jáne «Almaty studentter Alyansy» korporatıvtík qorynyń ūıymdastyruymen júzege asyryldy. Atalǵan bastamaǵa ózge etnos ókílderí bar studenttík toptardyń qatysuy onyń mańyzyn arttyra tústí.
Jobanyń negízgí maqsaty – jastar arasynda Qazaqstan tarıhyn, mádenıetín, ūlttyq dástúrlerdí jáne memlekettík tíldíń rólín keńínen nasıhattau. Sonymen qatar, «SanaQ» oıyny studentterdíń analıtıkalyq oılau qabíletín damytyp, jyldam árí dūrys sheshím qabyldauǵa, sondaı-aq kóshbasshylyq qasıetterín shyńdauǵa múmkíndík berdí.
Aıta keteıík, íríkteu kezeńíne Almaty qalasyndaǵy 16 joǵary oqu ornynyń studentterí qatysyp, olardyń íshínen úzdík shyqqan 4 komanda fınaldyq kezeńge joldama aldy. Grand-fınalda M.Tynyshbaev atyndaǵy ALT unıversıtetí, Abaı atyndaǵy Qazaq ūlttyq pedagogıkalyq unıversıtetí, Qazaq ūlttyq qyzdar pedagogıkalyq unıversıtetí jáne Qazaq ūlttyq agrarlyq unıversıtetí studentterí baq synady.
Fınaldyq kezeń barysynda qatysushylar bílím men logıkany ūshtastyra otyryp, kúrdelí árí qyzyqty tapsyrmalar arqyly ózara básekege tústí. Júlde qory 1 000 000 teńge bolǵan oıyn sūraqtary qazaq tílí, qazaq ádebıetí, Qazaqstan tarıhy jáne geografıya pánderín qamtydy.
Joba Qazaqstan halqynyń bírlígí kúní qarsańynda ūıymdastyrylyp, el bírlígín dárípteudí kózdedí. Baıqauǵa qazylyq etkender qatarynda mádenıet pen óner salasynyń maıtalmandary, qoǵam qaıratkerlerí jáne deputattar boldy. Atap aıtqanda, Aıjan Nūrmaǵambetova, qazaq teatr óneríníń ókílí Asylbek Boranbaı, «Qoǵamdyq kelísím» KMM múshesí Mūrathan Shoqan jáne Almaty qalasy máslıhatynyń deputattary tórelík ettí. Sondaı-aq, jas ǵalymdardan qūralǵan esep komıtetí baıqaudyń ádíl ótuín qadaǵalady.
«Almaty studentter Alyansy» tóraǵasy Aıbolat Nyǵmetjanūly óz sózínde jobanyń mańyzdylyǵyna toqtalyp, qatysushylardyń joǵary daıyndyqpen kelgenín atap óttí. Onyń aıtuynsha, baıqau aldynda studentter 40 sūraqtan tūratyn test tapsyrmalary arqyly íríktelíp, úzdíkter ǵana fınalǵa joldama alǵan.
Aıta ketu kerek, «SanaQ» zıyatkerlík oıyny bıyl ekínshí ret ūıymdastyrylyp otyr. Būl joba jyl saıyn dástúrlí túrde ótkízílíp, jastardyń bílímín shyńdaıtyn árí eldík qūndylyqtardy dárípteıtín mańyzdy alańǵa aınalyp keledí.
Dana SADYRQAN