Almatyda jańa shaǵyn ónerkásíptík parkter íske qosylady

2026 jyly Almatynyń Industrıyalyq aımaǵynda jalpy aumaǵy 22,2 myń sharshy metr bolatyn bes shaǵyn ónerkásíptík park paıdalanuǵa beríledí, – dep habarlaıdy aqshamnews.kz tílshísí.

Jobalardyń jalpy ınvestıtsıya kólemí 2,33 mlrd teńge. Būl nysandardy íske asyru 20-dan astam shaǵyn jáne orta bıznes subektísí ornalastyrylyp, 400-den astam jańa jūmys ornyn ashuǵa múmkíndík beredí.

Shaǵyn ónerkásíptík parkter jobalary qalanyń óndírístík ınfraqūrylymyn damytuǵa, kásípkerlíktí qoldauǵa jáne Almatynyń ınvestıtsıyalyq tartymdylyǵyn arttyruǵa baǵyttalǵan. Nysandardyń ındustrıyalyq aımaqta ornalasuy qajettí ınjenerlík jáne kólík ınfraqūrylymymen qamtamasyz etíp, óndírístík kásíporyndardyń tūraqty damuyna qolaıly jaǵdaı jasaıdy.

Almaty qalasynyń Kásípkerlík jáne ınvestıtsıyalar basqarmasy shaǵyn ónerkásíptík parkter jobalaryn júzege asyrudy úılestíredí. Basqarma ınvestorlarmen ózara ís-qımyldy ūıymdastyryp, qūrylys barysyn baqylaıdy, sondaı-aq nysandardy paıdalanuǵa beru úderísín baqylaudy qamtamasyz etedí. Būl jūmys bıznes úshín qolaıly orta qalyptastyryp, ınvestıtsıyalyq jobalardy jedel íske asyruǵa baǵyttalǵan.

Joba ayasynda kelesí nysandar paıdalanuǵa beríledí:

1. Nur-ai market №1
Investıtsıya kólemí — 500 mln teńge
Jūmys oryndary — 100
Qazírgí jaǵdaıy: qūrylys-montaj jūmystary ayaqtalǵan, ınjenerlík jelílerdí tartu jáne aumaqty kóríktendíru jūmystary júrgízílude.
Baǵyty — qūrylys ındustrıyasy.

2. «Kapstroıgrupp-T»
Investıtsıya — 600 mln teńge
Jūmys oryndary — 100
Qazírgí jaǵdaıy: sendvıch-panelderdí montajdau jūmystary júrgízílude.
Baǵyty — jıhaz óndírísí.

3. «Prompark»
Investıtsıya — 530 mln teńge
Jūmys oryndary — 100
Qazírgí jaǵdaıy: qasbettí montajdau jáne íshkí árleu jūmystary júrgízílude.
Baǵyty — jeńíl ónerkásíp.

4. «Arime»
Investıtsıya — 500 mln teńge
Jūmys oryndary — 80
Qazírgí jaǵdaıy: sendvıch-panelderdí montajdau jūmystary jalǵasuda.
Baǵyty — tamaq ónerkásíbí.

5. «AL Gaz»
Investıtsıya — 200 mln teńge
Jūmys oryndary — 30
Qazírgí jaǵdaıy: sendvıch-panelderdí montajdau jūmystary júrgízílude.
Baǵyty — metall óńdeu ónerkásíbí.

Atalǵan jobalar Almatynyń ındustrıyalyq aımaǵyn damytudaǵy mańyzdy kezeń bolmaq. Olar óndírístík áleuettí arttyryp, shaǵyn jáne orta bıznestíń damuyna serpín beríp, qalanyń ekonomıkalyq ósímíne zor úles qosady.