Búgín, 8 sáuírde, Almatyda Qazaqstan Kubogynyń 1/16 fınaly ayasyndaǵy eń tartysty matchtardyń bírí bastaldy, – dep habarlaıdy aqshamnews.kz tílshísí.
«Han-Táńírí» stadıonynda turnır tarıhynda alǵash ret alańǵa BKS FK áuesqoı komandasy shyǵady. Olarǵa qarsy elímízdíń eń quatty kásíbı klubtarynyń bírí «Astana» FK oınap jatyr.
Almaty qalasynyń Sport basqarmasy ókílderíníń málímetínshe, būl match Qazaqstan Kubogynyń ashyq formattaǵy basty qaǵıdattaryn aıqyn kórsetedí. Atalǵan format ártúrlí deńgeıdegí komandalardyń bír alańda baq synauyna múmkíndík beredí. Dál osyndaı oıyndar futboldyń shynaıy ruhyn aıshyqtap, onyń tosynsyıǵa toly ekenín dáleldeıdí.
Almaty futboly úshín būl kúnníń mání erekshe. Áuesqoı komandanyń osyndaı bıík deńgeıge kóteríluí būqaralyq sporttyń damyp kele jatqanynyń jarqyn kórínísí. Sonymen qatar, būl árbír oıynshy úshín úlken arenada ózín tanytuǵa múmkíndík bar ekenín ańǵartady.