Almatyda qoǵamdyq kólíktíń ekologıyalyq normalarǵa sáıkestígín tekseru jalǵasyp otyr, – dep habarlaıdy aqshamnews.kz tílshísí.
Monıtorıngtí qalanyń atmosferalyq auasyn qorǵau erejelerín íske asyru ayasynda Eco Almaty mobıldík ekologıyalyq zerthanalary júrgízedí.
Kezektí tekseru gazben júretín avtobustardy paıdalanatyn №1 kommunaldyq avtobus parkínde óttí. Mamandar 192 avtobusty tekserdí. Monıtorıng qorytyndysy boıynsha lastaushy zattar shyǵaryndylarynyń belgílengen normatıvterden asyp ketu faktísí anyqtalǵan joq.
Aıta keteıík, sońǵy jyldary Almatynyń avtobus parkterí jańartylyp, ekologıyalyq taza kólíkterge, sonyń íshínde gazben júretín avtobustarǵa kóshíp jatyr. Túrlí avtobus parkterínde tūraqty tekseruler júrgízu ekologıyalyq talaptardyń saqtaluyn qosymsha baqylauǵa múmkíndík beríp, qalalyq qoǵamdyq kólíktíń belgílengen standarttarǵa sáıkestígín rastaıdy.
Eske salsaq, Almaty qalasynyń atmosferalyq auasyn qorǵau erejelerí 2025 jyly 30 jeltoqsanda bekítíldí. Qūjat megapolıstegí lastanu deńgeıín kezeń-kezeńímen tómendetuge jáne ekologıyalyq baqylaudy kúsheıtuge baǵyttalǵan.
