Óńírlík kommunıkatsıyalar qyzmetínde Ekologıya departamentíníń byltyrǵy jūmysyn qorytyndylaǵan baspasóz konferentsıyasy óttí. Onda Departament basshysy Dínmūhamed Lesbekov rūqsatsyz qoqys úıíndílerín anyqtau men joyu boıynsha qolǵa alynǵan jūmystaryn bayandap berdí.
Onyń aıtuynsha, «Qazaqstan Ǵarysh Sapary» ūlttyq kompanıyasynyń geoservısín paıdalanyp, ǵaryshtan baqylau júrgízgende byltyr qala aumaǵynda tūrmystyq jáne qūrylys qaldyǵyn zańsyz tókken 10 jer anyqtalǵan. Medeu, Túrksíb pen Alatau audanynda ornalasqan olardyń barlyǵy jergílíktí atqarushy organdardyń kúshímen túgel joıylypty.
«Osyndaı oryndardy anyqtap qana qoımaı, olardy joıyp, qaldyqtyń qaıta jınaluyna jol bermeu míndetímíz», - deıdí Dínmūhamed Lesbekov.
Almatynyń aumaǵynda kommunaldyq qatty qaldyqtardy qabyldaıtyn polıgondar joq bolǵanymen, qalada qoqys shyǵaru jaǵy eshqashan kídírgen emes. Qazír 20 ūıym osymen aınalysady, olar qalany 100 paıyz qamtyp, qaldyq ataulyny Almaty oblysyndaǵy polıgondar men sūryptau keshenderíne uaqytyly jetkízíp otyrady. 2025 jyly 536 myń tonnadan astam osyndaı kommunaldyq qatty qaldyq jınalyp, shyǵarylǵan.
Ekologıya departamentí eseptík kezeńde 125 baqylau jūmysyn ótkízdí, onyń íshínde nysandarǵa baryp ta, barmaı-aq ta júrgízílgen profılaktıkalyq tekseruler bar. Sonyń arqasynda ekologıyalyq zańnamany būzǵan 109 jaǵdaı anyqtalyp, olardy joyu jónínde 36 nūsqama berílgen. Materıaldardy qarau qorytyndysy boıynsha 53 ákímshílík qūqyq būzushylyq turaly hattama rásímdelíp, 41 ákímshílík jaza qoldanylyp, jalpy somasy 8,5 mln teńge aıyppūl salynypty. Aıyppūldy óndírudíń deńgeıí 99,3 paıyzǵa jetken.