Ákímshílík aıyppūldar, alıment óndíru, sondaı-aq salyqtyq bereshekterdí óteu maqsatynda 2025 jyldyń 25-28 qarashasy aralyǵynda Almaty qalasynda Memlekettík kíríster departamentí men Jeke sot oryndaushylarynyń aımaqtyq palatasymen bírlesken "Boryshker" jedel-aldyn alu ís-sharasy ótkízílude, - dep habarlaıdy Aqshamnews.kz Polisia.kz-ke sílteme jasap.
– Boryshkerler avtomattandyrylǵan polıtsıya júıelerí arqyly anyqtalady. Bereshek tolyq ótelgenge deıín olardyń kólík qūraldary mamandandyrylǵan aıyptūraǵyna ornalastyrylady. Ís-sharanyń alǵashqy kúní aıyp tūraǵyna alıment jáne aıyppūl qaryzdary jalpy shamamen 6 mıllıon teńgení qūraıtyn 5 kólík qūraly qoıyldy, – dep atap óttí Almaty qalasy polıtsıya departamentí ákímshílík polıtsıya basqarmasynyń bastyǵy Serík Shumaev.
Polıtsıya tūrǵyndardy jeke jauapkershílíktí arttyruǵa, jol qozǵalysy erejelerín būljytpaı saqtauǵa jáne qūqyq būzushylyqtar úshín salynǵan aıyppūldardy uaqytyly tóleuge shaqyrady.