Almatynyń Alatau audanynda (Nūrkent shaǵynaudany, 6-úı, «Alatau» dástúrlí óner teatrynyń aldynda) 14-15 nauryz auyl sharuashylyǵy jármeńkesí ótedí, – dep habarlaıdy aqshamnews.kz tílshísí.
Onda fermerler men tauar óndírushíler tabıǵı árí balǵyn ónímderdíń túr-túrín ūsynady.
Jármeńkege Almaty, Jetísu, Jambyl, Túrkístan jáne Shyǵys Qazaqstan oblystarynan kelgen auyl sharuashylyǵy tauaryn óndírushíler qatysady. Qala tūrǵyndary men qonaqtary et jáne sút ónímderín, kókónís pen jemís-jıdektí, bakaleya tauarlaryn jáne basqa da auyl sharuashylyǵy ónímderín tíkeleı óndírushílerden tıímdí baǵamen satyp ala alady.
15 nauryz jármeńkeler Almaly jáne Áuezov audandaryndaǵy saılau uchaskeleríne jaqyn aumaqtarda myna mekenjaılar boıynsha ūıymdastyrylady.
Almaly audany:
1. №62 mektep mańy, №167 mektep janynda
2. Dúısenov pen Prokofev kósheleríníń qıylysy (№34 mektep jáne júrgínshíler aımaǵy mańy)
3. «Kíshí Gandı» skverí (№18 mektep, «Print Media» kolledjí, №67 mektep)
4. «Tselınnyı» kınoteatry mańy (ALT kolledjí, ALT unıversıtetí, №36 mektep)
5. Júrgenov atyndaǵy Óner akademıyasy, Panfılov júrgínshíler aımaǵy, «Almaly» metro beketí, «QŪOBT» mańy
6. №54 mektep mańy, Arbat júrgínshíler aımaǵy, «QazNIPIEnergoprom» ınstıtuty
7. Jasóspírímder teatry aldyndaǵy alań (№90 jáne №147 mektepter)
8. №15 mektep mańy, QazŪQyzPU
Áuezov audany:
1. Tóle bı kóshesí, 303 – D. Qonaev atyndaǵy kolledj (№169 saılau uchaskesí)
2. Tastaq-1, 1v – Almaty memlekettík polıtehnıkalyq kolledjí (№166 saılau uchaskesí)
3. 1-shaǵynaudan, 76A – №97 mektep-gımnazıya (№175 saılau uchaskesí)
4. Jandosov kóshesí, 51 – Qazaq mal sharuashylyǵy jáne jemshóp óndírísí ǵylymı-zertteu ınstıtuty (№144 saılau uchaskesí)
5. Taugúl shaǵynaudany, 34 – «Narhoz» unıversıtetíníń jataqhanasy (№126 saılau uchaskesí)
Jármeńkeler Almaty qalasynyń Kásípkerlík jáne ınvestıtsıyalar basqarmasy men «Almaty» áleumettík-kásípkerlík korporatsıyasynyń qoldauymen ótkízíledí. Ís-sharanyń basty maqsaty — qala tūrǵyndaryn sapaly árí baǵasy tıímdí auyl sharuashylyǵy ónímderímen qamtamasyz etu, otandyq fermerlerdí qoldau jáne negízgí azyq-túlík tauarlarynyń baǵasyn tūraqtandyru.
Almaty ákímíníń tapsyrmasyna sáıkes, qalada ekí «demalys kúngí jármeńkení» kezeń-kezeńímen jańǵyrtu jūmystary júrgízílíp jatyr. Olar:
• Bostandyq audany (Qazaqfılm shaǵynaudany);
• Áuezov audany (Ótegen batyr kóshesí — Abaı dańǵyly).
Būl jūmystar sauda alańdaryn sanıtarlyq, sáulettík jáne ınfraqūrylymdyq talaptarǵa sáıkestendíruge, sondaı-aq, tūrǵyndardyń azyq-túlíkke, sonyń íshínde áleumettík mańyzy bar ónímderge qoljetímdílígín arttyruǵa baǵyttalǵan.
Sonymen qatar Túrksíb, Alatau jáne Nauryzbaı audandarynda da «demalys kúngí jármeńkelerdí» ūıymdastyru máselesí qarastyrylyp jatyr. Būl jármeńkeníń auqymyn keńeıtíp, qala tūrǵyndaryn tabıǵı árí sapaly auyl sharuashylyǵy ónímderímen tıímdí baǵamen qamtamasyz etuge múmkíndík beredí.
Azyq-túlík qauípsízdígín qamtamasyz etu jáne negízgí azyq-túlík tauarlarynyń baǵasyn tūraqtandyru maqsatynda demalys kúngí jármeńkeler Almatyda tūraqty túrde ótkízílíp keledí.
2026 jyldyń basynan berí Almatyda 100-den astam jármeńke ūıymdastyryldy. Olarǵa Almaty oblysynyń Eńbekshíqazaq, Qarasaı, Íle, Talǵar jáne Jambyl audandarynan 315-ten astam fermer men tauar óndírushí qatysty. Jármeńkelerde 1000-nan astam azyq-túlík ónímí ūsynyldy.
Jalpy, jyl basynan berí «demalys kúngí jármeńkelerdí» shamamen 5 myń tonna azyq-túlík ónímí, sonyń íshínde áleumettík mańyzy bar tauarlar satyldy. Aptasyna orta eseppen 500 tonnaǵa deıín óním ótkízíledí.
Almaty qalasynyń Kásípkerlík jáne ınvestıtsıyalar basqarmasy men «Almaty» ÁKK» AQ málímetínshe, jospardan tys sanıtarlyq-profılaktıkalyq sharalarǵa baılanysty 14-15 nauryz Masanchı jáne Gogol kósheleríníń qıylysyndaǵy «demalys kúngí jármeńkelerdí» uaqytsha ótkízílmeıdí. Al qalanyń basqa audandarynda jármeńkeler būrynǵy tártíppen – ár senbí jáne jeksenbí saǵat 09:00-den 18:00-ge deıín jūmysyn jalǵastyrady. > Elya Jańabergenqyzy: 🖼 Photo