Almatyda "NarkoStop" jobasy belsendí túrde júzege asyrylyp keledí. Qalada nashaqorlyqpen kúreske baǵyttalǵan keshendí jospar ayasynda tórt mamandandyrylǵan ortalyq jūmys ísteıdí. Igí íske 3 myńnan astam eríktí tartylǵan. Būl jónínde Jastar sayasaty basqarmasynyń ókílderí aıtty.
2025 jyldyń basynan berí 180-nen astam ís-shara ótkízíldí. Qala kóshelerínde tyıym salynǵan zattardy jarnamalaıtyn 18 myńnan asa trafaret pen graffıtı boyalyp óshíríldí, 35-ten astam aldyn alu baǵytyndaǵy beınerolık ázírleníp, olar áleumettík jelílerde, LED-ekrandarda jáne qoǵamdyq kólíkte kórsetílíp jatyr.
2024 jyldan bastap kıbereríktílík baǵyty íske qosylǵan. Eríktíler tyıym salynǵan zattardy nasıhattaıtyn saıttar men paraqshalardy anyqtaıdy. 197 resurs būǵattalyp, zerthanalar, esírtkí satushylar jáne úgítteushíler turaly málímetter qūqyq qorǵau organdaryna joldandy.
Aıta keteıík, Almatyda 14-35 jas aralyǵynda 712,3 myń jas tūrady. Būl qala halqynyń 32 paıyzy. Qaladaǵy 35 joǵary oqu ornynda jáne 88 kolledjde 296,5 myń student bílím alady, olardyń 167 myńy ózge óńírlerden kelgen jastar. Jastar salasynda atqarylǵan jūmystar nátıjesínde oń ózgerís baıqalady: NEET sanatyndaǵy jastar úlesí 6,4 paıyzdan 5,8 paıyzǵa tómendedí, al 2025 jyldyń ekínshí toqsanynda jastar arasyndaǵy jūmyssyzdyq deńgeıí 4,1 paıyzǵa deıín azaıdy. Būǵan Almaty qalasyn 2025 jylǵa deıín damytu baǵdarlamasy men 2030 jylǵa arnalǵan orta merzímdí josparlardy íske asyrudyń arqasynda qol jetken.