Bostandyq aýdanynda jylý jelilerine jańǵyrtý jumystaryn júrgizý kezinde úsh kóshede avtokólik qozǵalysy shekteledi.
30 mamyrdan bastap 15 tamyzǵa deıin Buqar Jyraý jelekjolynda Baıtursynov kóshesinen bastap S. Markov kóshesine deıin soltústik jaǵynan avtokólik qozǵalysy shekteledi. 29 mamyrdan bastap Buqar Jyraý jelekjolynyń ońtústik jaǵymen qozǵalys qaıta iske qosylady.
1 maýsymnan bastap 20 tamyzǵa deıin Sátpaev kóshesimen Masanchı kóshesinen bastap Baıtursynov kóshesine deıin eki baǵytta qozǵalys shekteledi.
2 maýsymnan bastap 20 tamyzǵa deıin Gabdýllın kóshesinde Rımskıı-Korsakov kóshesinen bastap Nahımov kóshesine deıin eki baǵytta qozǵalys shekteledi.
Ýaqytsha shekteýler kórsetilgen kóshe segmentiniń júrgin bóliginiń astymen júrgizilgen magıstraldyq qubyrjol ýchaskesin jańǵyrtý boıynsha josparly jumystardyń qaýipsizdigin qamtamasyz etý úshin engiziledi.
Eske salsaq, Bostandyq aýdanynda Gabdýllın – Hamıt Erǵalıev, Jaǵalaý mańy – Buqar Jyraý – Baıtursynov kósheleriniń kontýrynda ornalasqan, jalpy uzaqtyǵy 2,7 kılometrdi quraıtyn, 1983 jyly paıdalanýǵa berilgen qubyrjoldy jańǵyrtý josparlanyp otyr. Jańǵyrtý jumystaryn júrgizý merziminiń ishinde tutynýshylarǵa ystyq sý berý úzilmeıdi.
Atalǵan jylý trassasy 128 kóppáterli turǵy úıdiń, 25 jeke úıdiń turǵyndary, 2 balabaqsha, 1 mektep, 1 medısına mekemesi jáne 65 basqa da obektiler úshin jylý energıasyn berýdi jáne ystyq sýmen jabdyqtaýdy qamtamasyz etedi.
Jalpy alǵanda, aǵymdaǵy jyly qala boıynsha 39 km jylý trassasyn jańǵyrtý josparlanǵan. Bul tozý deńgeıin 54% deıin azaıtýǵa múmkindik beredi.
Eskertemiz, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz.
«Almaty jylý júıesi» JSHS