Ǵylym men ınnovatsıya – jańaru men el sapasynyń mańyzdy tetígí, dep habarlaıdy aqshamnews.kz tílshísí.
«Ádílet» partıyasy fraktsıyasynyń deputattyq saualy Mádenıet jáne aqparat mınıstrí A.O. Qyryqbaevqa, Oqu aǵartu mınıstrí J.D. Súleımenovaǵa joldanady.
Qūrmettí Arman Orazbaıūly!
Qūrmettí Jūldyz Dosbergenqyzy!
Halyq qoldap-quattaǵan jańa Konstıtutsıyamyzda mádenıet, bílím, ǵylym, ınnovatsıya qūndylyǵy aıryqsha jazylǵany málím.
Búgínde ǵylym men ınnovatsıya – jańaru men el sapasynyń mańyzdy tetígí. Ata zańdaǵy qūndylyq pen basymdyq endí ómírímízdíń máníne, ózegíne aınaluǵa tıís. Ásírese, ǵylym men ınnovatsıyanyń negízí mektepte júıelí oqytylyp, úzílíssíz jalǵasuy shart.
Ókíníshke qaraı, búgíngí jasóspírímder men jastardyń bírshama bólígí qaıbír bílíksíz bloger men kereǵar kouchke elíkteıtíní, típtí kóp ter tókpeı-aq mol qarjy tabuǵa senetíní baıqalady. Būl – dana Abaı synaǵan «bes dūshpan ístíń» joly.
Elímíz «Ádílet!» dep jańarǵanda, būrynǵy-keıíngí toǵysharlyqqa, orynsyz elíktep-solyqtauǵa jol joq!
Prezıdent aıtqan ozyq oıly ūlt jauapty, alǵyr oqushydan, sol ūl-qyzǵa ekí ese jauapty ata-ana men mūǵalímníń mańdaı terínen qalyptasady.
Ras, kásíptíń jamany joq. Alaıda dál qazír elímízge ınjenerlík-tehnologıyalyq oı, ízdenís, ónertabys auadaı qajet. Iá, ruhanı jetílu ūmytylmaıdy. Tereńírek qarasaq, Táuelsízdík mūratynyń ózí – mádenı qazyna, adastyrmas temírqazyq.
Búgín HH ǵasyrdyń bas shıregíndegí ınjener Mūhamedjan Tynyshbaıūly, medık-bıolog Halel Dosmūhamedūly, matematık Ibadulla Aqbergenūly, keńes kezeńíndegí akademıkter - ınjener Qanysh Sátbaev, energetık Shapyq Shókın, molekulyar-bıolog Mūrat Aıtqojın, qazaq qyzdarynan shyqqan alǵashqy akademıkter – geolog Patshaıym Tájíbaeva, tūńǵysh tehnıka ǵylymdarynyń doktory , marksheıder Jamal Qańlybaeva, zamanymyzdyń bírtuar akademıkterí – antropolog Orazaq Ysmaǵūlov, matematık Mūhtarbaı Ótelbaı, genetık Rahmetqajy Bersímbaı syndy júzdegen tūlǵalardy oqushyǵa da, studentke de úlgí ete bílu - boryshymyz. Gendík, medıtsınalyq ınjenerıya, STEM mamandyqtarynyń bastauy óz dástúrímízde tūr.
Qoǵamǵa paıda ákeletín aqyl-oı men bílím-bílík qoryn «adam kapıtaly» deımíz. Bízde ol bolǵan jáne bola da beredí. Tek yjdaǵat pen júıelí ís úzílmegení jón.
Sol úshín elímízdíń aqyl-oı qoryna ólsheusíz úles qosqan bíregeı tūlǵalardy bílím júıesíníń bar satysynda úlgí-ónege etken abzal. Memleketshíl tūlǵatanudyń mání de, maqsaty da osynda.
Sízderge mynany ūsynamyz:
1) Ǵalym, ınjener, ónertapqysh t.b. ıntellektual tūlǵalardyń qoǵamdyq bedelín, beınesín jas buynǵa ūǵyndyratyn joba ázírlense.
2) Ǵylymǵa, tehnologıyaǵa eleulí úles qosqan būrynǵy-keıíngí tūlǵalardy aqparat qūraldarynda, tsıfrlyq platformalarda úzbeı keń nasıhattau jolǵa qoıylsa.
3) Injenerlík-tehnıkalyq, jaratylystanu mamandyqtaryna talantty jastardy tartu men bauludyń tıímdí baǵdarlamalary jasalsa.
4) Orta bílím júıesíníń, sonyń íshínde keleshek mektepterí men Oqushylar saraılarynyń jūmys nátıjesíne (KRÍ) ınjenerlík-tehnıkalyq, jaratylystanu mamandyqtaryna qatysty konstruktorlyq alańdar men úıírmelerdíń tabysy jeke kórsetkísh bolyp ense.
Deputattyq saualǵa zańnamada kózdelgen merzímde jazbasha jauap berudí sūraımyn.
«Ádílet» partıyasy fraktsıyasynyń múshesí, deputat Dıhan Qamzabekūly