Almaty prokýratýrasy balalardyń quqyqtary men zańdy múddelerin qamtamasyz etý, onyń ishinde alımenttik tólemderdi óndirip alý jónindegi júıeli jumysty jalǵastyrýda.
Kámeletke tolmaǵandardyń quqyqtary men zańdy múddelerin qorǵaý prokýratýra organdary qyzmetiniń basty basymdyqtaryna jatady, - dep habarlaıdy Aqshamnews.kz.
Negizgi baǵyttardyń biri – kiristerdi jasyrý jaǵdaılaryn qosa alǵanda, alıment tóleýshilerdiń mindettemelerdi oryndaýyn qadaǵalaý bolyp tabylady.
Prokýratýra alıment boıynsha 1 741 757 teńge qaryzy bar boryshkerdi anyqtady, ol kazınodan 4 mıllıon teńgeden asa utys utqan, alaıda úsh aıdan astam ýaqyt boıy mindettemelerin oryndaýdan qasaqana jaltarǵan.
Kámeletke tolmaǵandardyń isteri jónindegi mamandandyrylǵan aýdanaralyq sottyń úkimimen ol, QR QK-niń 139-babynda kózdelgen qylmystyq quqyq buzýshylyqty jasaǵany úshin kináli dep tanylyp, bir jylǵa bas bostandyǵyn shekteýge sottalǵan.
Aǵymdaǵy jyldyń 10 aıynda qala prokýratýrasynyń bastamasymen 14 boryshker alıment tóleýden jaltarǵany úshin qylmystyq jaýaptylyqqa tartyldy.
Sonymen qatar QR ÁQBtK-niń 669-babymen alıment óndirip alý týraly sot aktilerin oryndamaǵany úshin 253 boryshker ákimshilik jaýaptylyqqa tartyldy.
Qabyldanǵan sharalardyń nátıjesinde 16 myń balanyń paıdasyna 1 mlrd teńgeden astam somaǵa alıment bereshegi óteldi.
Almaty qalasynyń prokýratýrasy kámeletke tolmaǵan balalardy kútip-baǵý mindeti ata-analarǵa júktelgenin eske salyp, barshany balalar aldyndaǵy óz mindetterin ýaqtyly oryndaýǵa shaqyrady.
Alıment tóleýden jaltarý ákimshilik (QR ÁQBtK-niń 669-baby) jáne qylmystyq jaýaptylyqqa (QR QK-niń 139-baby) ákep soǵady.