Búgín Almaty qalasy ákímíníń orynbasary Abzal Núkenov bírqatar bílím jáne mádenıet salasy qyzmetkerleríne memlekettík nagradalar tabystady, – dep habarlaıdy aqshamnews.kz tílshísí.
Mádenıet salasyndaǵy eleulí eńbegí jáne Qazaqstan Respublıkasy aldyndaǵy aıryqsha qyzmetí úshín «Parasat» ordenímen Qazaqstan Respublıkasynyń eńbek síńírgen qaıratkerí, «Daryn» memlekettík jastar syılyǵynyń ıegerí, «MuzArt» tobynyń ánshísí, prodyuser jáne telejúrgízushí Sáken Qordabaıūly Maıǵazıev marapattaldy.
Bílím beru salasyndaǵy ūzaq jylǵy jemístí eńbegí úshín «Qūrmet» ordenímen Qazaqstan Respublıkasynyń bílím beru salasynyń qūrmettí qyzmetkerí, Oqu-aǵartu mınıstrlígíníń «Qūrmet» gramotasynyń jáne Ybyraı Altynsarın atyndaǵy tósbelgíníń ıegerí Atyǵaı Búrkítbaevıch Bıjanov marapattaldy.
El ıgílígí jolyndaǵy eleulí eńbegí, kásíbı qyzmetíndegí joǵary jetístíkterí jáne Qazaqstan Respublıkasynyń damuyna qosqan zor úlesí úshín «Qūrmet» ordení «TÚRKSOI» halyqaralyq ūıymyndaǵy Qazaqstan Respublıkasynyń ókílí Nyshankúl Qanseıítqyzy Qarataevaǵa tabystaldy.
Sondaı-aq qazaq óneríníń damuyna qosqan súbelí úlesí, shyǵarmashylyq qyzmetíndegí joǵary jetístíkterí jáne mádenıet salasyn damytudaǵy eńbegí úshín Kenjebek Tūrsynbaıūly Janábílov «Qūrmet» ordenímen nagradtaldy.
Rásím barysynda Abzal Núkenūly marapat ıelerín joǵary nagradalarymen qūttyqtap, olardyń kásíbı qyzmetí men el damuyna qosqan úlesí memleket tarapynan árdaıym joǵary baǵalanatynyn atap óttí.