Almaty qalasy Bilim basqarmasy mektepke deıingi uıymdardyń basshylarynyń bos laýazymdaryna konkýrs jarıalaıdy, - dep habarlaıdy Aqshamnews.kz tilshisi.
Konkýrsqa shyǵarylǵan uıymdar – 20-dan astam bóbekjaı-balabaqshalar, olardyń ishinde jalpy jáne arnaıy baǵyttaǵy mekemeler bar. Balabaqshalar Almaty qalasynyń barlyq aýdandarynda ornalasqan, oqytý tili – qazaq, orys nemese aralas.
Laýazymdyq jalaqy – 181 571 teńgeden 220 150 teńgege deıin (eńbek ótiline baılanysty).
Qoıylatyn talaptar:
-
Joǵary pedagogıkalyq nemese beıini boıynsha kásibı bilim;
-
Pedagogıkalyq jumys ótili – keminde 5 jyl (mektepke deıingi salada sońǵy 2 jyl);
-
Arnaıy balabaqsha basshylary úshin – arnaıy bilim jáne mektepke deıingi uıymda keminde 1 jyl jumys tájirıbesi;
-
QAZTEST V1 deńgeıinen tómen emes;
-
Sertıfıkattaýdan ótkeni týraly qujat.
Qujattar qabyldaý merzimi – habarlandyrý jarıalanǵan kúnnen bastap 7 jumys kúni ishinde.
Qujattar qabyldanatyn mekenjaı: Almaty qalasy, Respýblıka alańy, 4 úı,
Elektrondyq poshta: service.ok.2@mail.ru
Tolyǵyraq aqparat myna jerde.