Almatyda áuejaı qūrylys alańyndaǵy oqıǵadan keıín tekseru júrgízíledí, – dep habarlaıdy aqshamnews.kz tílshísí.
Almaty halyqaralyq áuejaıynyń aumaǵynda bolǵan oqıǵaǵa qatysty būqaralyq aqparat qūraldarynda jarıyalanǵan málímetterden keıín Almatynyń Qala qūrylysyn baqylau basqarmasy jospardan tys tekseru júrgízedí.
Aldyn ala aqparatqa sáıkes, 11 mausym kúní qūrylys jūmystary kezínde qūrylys qūrylymdary, atap aıtqanda qūbyrlar qūlaǵan. Oqıǵa áuejaı aumaǵyndaǵy qūrylys alańynda bolǵan.
Qazírgí tańda basqarma oqıǵanyń mán-jaıyn anyqtap, qajettí materıaldardy jınaqtap jatyr. Keıín olar jospardan tys tekserudí tírkeu úshín prokuratura organdaryna joldanady.
Jospardan tys tekseru barysynda qūrylys normalarynyń saqtaluy, sondaı-aq qūrylys-montaj jūmystarynyń ūıymdastyryluy zań talaptaryna sáıkestígí tūrǵysynan baǵalanady.
Eger zańnama talaptarynyń būzylǵany anyqtalsa, jauapty tūlǵalarǵa qatysty qoldanystaǵy zań ayasynda tıístí sharalar qabyldanady.