Almatyda aua raıynyń qolaıly boluyna baılanysty joldardy aǵymdaǵy (shūńqyrly) jóndeu jūmystary bastaldy. Jol ınfraqūrylymyn damytu basqarmasy ókílderíníń málímetínshe, qazír 22 myń sharshy metrden asa jol tósemí aǵymdaǵy jóndeumen qamtylyp otyr, – dep habarlaıdy aqshamnews.kz tílshísí.
Jóndeu jūmystary Gogol, Tóle bı, Rozybakıev, Maqataev, Nauryzbaı batyr, Baıtūrsynūly, Mámetova, Qonaev kóshelerí men Abaı, Rysqūlov, Seıfullın, Abylaı han dańǵyldarynyń jáne basqa da magıstraldyq kóshelerdíń jekelegen uchaskelerínde júrgízílíp jatyr. Būl jūmys ayasynda 110 lyuk kóterílíp, 159 lyuk auystyryldy, sondaı-aq 281 jańbyr suyna arnalǵan naua jańartyldy.
Qazír Zenkov jáne Jetísu kósheleríníń jekelegen uchaskelerínde ortasha jóndeu jūmystary júrgízílíp jatyr. Jalpy, ortasha jóndeumen ūzyndyǵy 290 shaqyrym bolatyn 360 kóshení, onyń íshínde 17 magıstraldyq kóshení qamtu josparlanǵan. Sonymen qatar, Nauryzbaı jáne Alatau audandarynda jol qūrylysy bastaldy. Jospar boıynsha 68 shaqyrym jol tósemí salynady.