Qazaqstanda medıtsınalyq qyzmetter men dárí-dármekter úshín beríletín chekterde nauqastardyń JSN-í kórsetíletín bolady, – dep habarlaıdy aqshamnews.kz tílshísí.
Qarjy mınıstrlígíníń aıtuynsha, būl MÁMS qarajatyn maqsatty paıdalanudy baqylau úshín qajet.
Qarjy mınıstrlígí kassalyq-baqylau mashınasy chegíníń mazmūnyna qoıylatyn talaptar tízbesíne ózgeríster engízíp, medıtsınalyq qyzmetter men dárílík zattar boıynsha chekterde patsıenttíń JSN-ín míndettí túrde kórsetuge arnalǵan jańa baǵan qosudy josparlap otyr. Tıístí mınıstr būıryǵynyń jobasy «Ashyq NQA» saıtynda jarıyalanǵan.
«Kútíletín nátıje – míndettí áleumettík medıtsınalyq saqtandyru qory qarajatynyń maqsatty jáne tıímdí paıdalanyluyn baqylau múmkíndígín qamtamasyz etu, sondaı-aq kassalyq-baqylau mashınalary chekterínde patsıenttíń JSN-ín míndettí túrde kórsetu arqyly esep aıyrysulardyń ashyqtyǵyn arttyru jáne kóleńkelí ekonomıkanyń úlesín azaıtu», – delíngen Qarjy mınıstrlígíníń túsíndírmesínde.
Mınıstrlík sonymen qatar patsıenttíń JSN-ín KBM chegínde kórsetu tetígí memlekettík kíríster organdarynyń aqparattyq júıesínde chekterdí salystyryp tekseruge múmkíndík beretínín atap óttí.
Normatıvtík-qūqyqtyq aktíní talqylau 29 sáuírge deıín jalǵasady.