Būl turaly «Alatau Jaryq Kompanıyasy» AQ baspasóz qyzmetíníń ókílderí málímdedí, dep habarlaıdy aqshamnews.kz tílshísí.
2026 jyly 14 tamyzda saǵat 14:38-de «KEGOC» AQ-ǵa tıesílí elektr beru jelílerínde ajyratu tírkeldí. Elektrmen jabdyqtaudyń būzyluy saldarynan «Alatau Jaryq Kompanıyasy» AQ jelílerínde apatqa qarsy avtomatıka íske qosylyp, Almaty qalasy men Almaty oblysyndaǵy tūtynushylardyń elektr quaty ajyratyldy. Būl turaly «Alatau Jaryq Kompanıyasy» AQ baspasóz qyzmetíníń ókílderí habarlady.
Energetıkalyq júıeníń jūmys rejımí tūraqtandyrylyp, elektrmen jabdyqtau qalpyna keltírílgennen keıín būǵan deıín engízílgen júktemení ajyratudyń arnaıy avtomatıkasy toqtatyldy. Saǵat 19:00-de Almaty qalasy men Almaty oblysy tūtynushylaryn elektrmen jabdyqtauǵa qoıylǵan barlyq shekteu tolyq alyndy.
Qazírgí uaqytta «Alatau Jaryq Kompanıyasy» AQ-nyń jedel kóshpelí brıgadalary qosalqy stantsıyalardy aralap, elektr jelíleríndegí júktemení tekseríp jatyr. Mamandar jelíníń senímdí árí tūraqty jūmysyn qamtamasyz etu maqsatynda jabdyqtardyń jaǵdaıy men elektrmen jabdyqtau parametrlerín baqylap jatyr.