11 aqpanda Almaty telekommunıkatsıya jáne mashına jasau kolledjí ózíníń qūrylǵanyna 85 jyl toluyn saltanatty túrde atap óttí. Osy jyldar íshínde oqu orny úlken árí abyroıly damu jolynan ótíp, Almaty qalasyndaǵy tehnıkalyq jáne kásíptík bílím beretín jetekshí kolledjderdíń bíríne aınaldy.
Kolledjdíń baı tarıhy mūraǵat qūjattary men ardagerlerdíń estelíkterínde saqtalǵan. Mereıtoıǵa oraı bíregeı arhıvtík materıaldar negízínde daıyndalǵan beınefılm ūsynylyp, oqu ornynyń qalyptasu jáne damu kezeńderí kórnekí túrde kórsetíldí.
Kolledj tarıhy 1940 jylǵy 2 qazandaǵy KSRO Joǵarǵy Keńesí Prezıdıumynyń Jarlyǵynan bastau alady. Osy qūjatqa sáıkes №4 baılanys fabrıka-zavodtyq oqytu mektebíníń bazasynda №8 Baılanys qolóner uchılıshchesí qūryldy.
Ár jyldary oqu orny kásíptík bílím beru júıesíníń jańa kezeńderín aıqyndaı otyryp, atauyn bírneshe ret ózgerttí:
1954 jyldyń tamyzynda №8 Baılanys qolóner uchılıshchesí №1 Tehnıkalyq uchılıshche (TU-1) bolyp qaıta ataldy.
1962 jyly TU-1 №2 Qalalyq kásíptík-tehnıkalyq uchılıshche (QKTU №2) boldy.
1977 jyly QKTU №2 TU-19 bolyp ózgertíldí.
1984 jyly TU-19 №1 Orta kásíptík-tehnıkalyq uchılıshche (OKTU-1) bolyp qaıta qūryldy.
1989 jyly OKTU-1 №1 Kásíptík-tehnıkalyq uchılıshche (KTU-1) boldy.
1996 jylǵy 23 mamyrda mekeme №1 Kásíptík-tehnıkalyq mektep (KTM №1) mártebesín aldy.
2002 jylǵy 22 sáuírde — №1 Kásíptík mektep (KM №1).
2005 jyly - №9 Kásíptík mektep (KM №9).
2008 jyly - №9 Kásíptík lıtseı.
2013 jyly «№9 Kásíptík lıtseı» MM Almaty qalasy ákímdígíníń 2013 jylǵy 14 aqpandaǵy №1/98 qaulysy negízínde Almaty qalasy Bílím basqarmasynyń «Almaty telekommunıkatsıya jáne mashına jasau kolledjí» KMQK bolyp qaıta ūıymdastyryldy.
Kolledjdíń negízgí qyzmet baǵyty — jalpy orta, tehnıkalyq jáne kásíptík bílím beru baǵdarlamalary boıynsha bílíktí jūmysshy kadrlar men orta buyn mamandaryn dayarlau.
Búgínde Almaty telekommunıkatsıya jáne mashına jasau kolledjí (ATjMK) sūranysqa ıe tehnıkalyq mamandyqtar boıynsha 2 jyl 10 aı jáne 3 jyl 10 aı merzímde orta jáne joǵary bílíktílík deńgeıíndegí mamandardy dayarlaıdy.
Negízgí dayarlau baǵyttary:
•Avtomobıl kólígíne tehnıkalyq qyzmet kórsetu, jóndeu jáne paıdalanu
•Elektr jabdyqtary (túrlerí boıynsha)
•Poshta baılanysy
•Mashına jasau tehnologıyasy (túrlerí boıynsha)
•Radıotehnıka, elektronıka jáne telekommunıkatsıyalar
•Avtomobıl kólígínde tasymaldaudy ūıymdastyru jáne qozǵalysty basqaru
85 jyl íshínde oqu orny 17 myńnan astam bílíktí maman dayarlady. Olardyń kópshílígí Qazaqstan ekonomıkasynyń túrlí salalarynda tabysty eńbek etíp, telekommunıkatsıya, kólík jáne mashına jasau salalarynyń damuyna eleulí úles qosyp keledí.
Mereıtoılyq sharaǵa Almaty qalasy ákímdígí men Bílím basqarmasynyń ókílderí, eńbek ardagerlerí, áleumettík seríktester, qala kolledjderíníń dırektorlary, ár jyldardaǵy túlekter men ata-analar qatysty.
Kolledj foıesínde jūmys ísteıtín modelder men tehnıkalyq jobalar kórmesí ūıymdastyryldy. Studentter óndírístík oqytu sheberleríníń jetekshílígímen jel elektr stantsıyasynyń maketín, elektromobılder men gıbrıdtí avtomobılderge qyzmet kórsetetín zamanauı avtoservıs úlgísín, qoımada júk tasymalyn jyldam árí úzdíksíz qamtamasyz etetín «Fast Flow» júıesín, zamanauı «Qazposhta» modelín, sondaı-aq «Arduino» baǵdarlamasy negízínde jasalǵan, tūrǵyn úıdíń qauípsízdígí men avtomattandyryluyn qamtamasyz etetín «Aqyldy úı» jobasyn ūsyndy. Ekspozıtsıya bílím alushylardyń praktıkalyq dayarlyǵynyń joǵary deńgeıín jáne ınjenerlík oılau qabíletín aıqyn kórsettí.
Osy aıtuly kúní dayarlaudyń alty baǵyty boıynsha qūzyrettílík ortalyqtarynyń saltanatty ashyluy óttí:
Qūzyrettílík ortalyqtarynyń ashyluy kolledjdíń materıaldyq-tehnıkalyq bazasyn jańǵyrtudaǵy jáne básekege qabílettí mamandar dayarlauǵa zamanauı jaǵdaı jasaudaǵy mańyzdy qadam boldy.
Merekelík baǵdarlama ayasynda qonaqtarǵa zamanauı qūral-jabdyqtarmen jabdyqtalǵan oqu kabınetterí, zerthanalar men sheberhanalarǵa ekskursıya ūıymdastyryldy.
Saltanatty ís-shara Qazaqstandyq estrada jūldyzdary men kolledjdíń talantty studentteríníń qatysuymen ótken jarqyn kontserttík baǵdarlamamen ayaqtaldy. Ardagerler men pedagogterge aıtylǵan alǵys sózder, ótken jyldar jetístíkteríne degen maqtanysh jáne bolashaqqa degen sením būl kúndí kolledj ūjymy úshín erekshe árí mándí ettí.
