Almaty qalasy Qoǵamdyq densaulyq saqtau basqarmasynyń basshysy Marat Pashımov Qalalyq kardıologıyalyq ortalyqqa baryp, júrgízílíp jatqan jańǵyrtu jūmystarynyń nátıjelerímen tanysty jáne jóndeuden keıín jańartylǵan kardıologıya bólímshesíníń ashyluyna qatysty, – dep habarlaıdy aqshamnews.kz tílshísí.
Qalalyq kardıologıyalyq ortalyq júrek-qan tamyrlary aurulary bar patsıentterge mamandandyrylǵan medıtsınalyq kómek kórsetetín qalanyń jetekshí medıtsınalyq ūıymdarynyń bírí bolyp tabylady. Ortalyq ǵımarattary ótken ǵasyrdyń ár kezeńínde salynǵandyqtan, ınfraqūrylymdy jańartu mekemeníń damuynyń mańyzdy kezeńíne aınaldy.
2025 jyldan bastap Ortalyqta úı-jaılardy kezeń-kezeńímen jańǵyrtu jūmystary júrgízílude. Búgínde kardıologıya bólímshelerí, kardıohırurgıya bólímshesí, operatsıyalyq blok pen rentgenoperatsıyalyq bólmeler jańartyldy. Qazírgí uaqytta kardıoreabılıtatsıya bólímshesínde jóndeu jūmystary jalǵasuda.
Jóndeuden keıín ashylǵan bólímshe patsıentterdí dıagnostıkalau men baqylauǵa arnalǵan zamanauı medıtsınalyq jabdyqtarmen qamtamasyz etílgen. Mūnda elektrokardıografıya, ehokardıografıya, EKG men arterıyalyq qysymdy táulíktík monıtorıngíleu, júktemelík synaqtar jáne basqa da zertteuler júrgízíledí.
«Qaladaǵy medıtsınalyq ūıymdardy kezeń-kezeńímen jańǵyrtu eń aldymen medıtsınalyq kómektíń sapasyn arttyruǵa jáne patsıentter úshín qolaıly jaǵdaı jasauǵa baǵyttalǵan. Qalalyq kardıologıyalyq ortalyqty jańartu – osy jūmystyń mańyzdy bólígí», – dep atap óttí Almaty qalasy Qoǵamdyq densaulyq saqtau basqarmasynyń basshysy Marat Pashımov.
Qalalyq kardıologıyalyq ortalyq otandyq kardıologıyanyń úzdík dástúrlerín saqtaı otyryp, medıtsınalyq kómektí kórsetudíń zamanauı standarttaryn engízu jáne ınfraqūrylymdy jańǵyrtu jūmystaryn júıelí túrde jalǵastyruda.