Almaty qalasynda polıtsıya azamattardyń, ásírese kámeletke tolmaǵandardyń qauípsízdígíne qater tóndíretín kontrafakt pırotehnıkalyq ónímderdí anyqtau jáne tárkíleu boıynsha júıelí jūmystar júrgízude, dep habarlaıdy aqshamnews.kz Polisia.kz-ke sílteme jasap.
Qalanyń bazarlary men sauda núktelerínde jaraqattanudyń aldyn aluǵa baǵyttalǵan reıdtík jáne profılaktıkalyq ís-sharalar ūıymdastyryldy. Erejení būzǵan tūlǵalar jauapkershílíkke tartylyp, zańsyz ónímder tárkílenude. Balalar arasyndaǵy profılaktıkalyq jūmys erekshe nazarda. Bílím beru ūıymdarymen bírlesíp, pırotehnıkany qauípsíz qoldanu jónínde dáríster men túsíndírme kezdesuler ótkízílude.
"Profılaktıka jyly ayasynda jáne jańa jyldyq merekeler qarsańynda qoǵamdyq qauípsízdíktí qamtamasyz etu maqsatynda pırotehnıkalyq būıymdardyń aınalymyna baqylau kúsheıtíldí. Bílím beru ūıymdarymen bírlesíp, qauípsízdík erejelerín túsíndíremíz, arnaıy dúkennen tys jerlerden pırotehnıka satyp aludyń qauíptílígín eskertemíz. Polıtsıya, memlekettík organdar jáne azamattardyń bírígíp áreket etkende ǵana merekení jazataıym oqıǵasyz ótkízíp, balalarymyzdyń densaulyǵyn qorǵaı alamyz", – dedí Almaty qalasy polıtsıya departamentíníń qoǵamdyq qauípsízdík basqarmasynyń bastyǵy Ashat Qūlbaev.
Polıtsıya azamattardy pırotehnıkalyq būıymdardy tek arnaıy lıtsenzıyalanǵan dúkenderden satyp aluǵa jáne olardy qoldanu tártíbín qatań saqtauǵa shaqyrady.