Senator Bıbıgúl Jeksenbaı azamattardyń alayaqtardan qorǵanu múmkíndígíníń azdyǵy men jekelegen memlekettík organdardyń enjar kózqarasy turaly deputattyq saual joldady, – dep habarlaıdy aqshamnews.kz tílshísí.
Deputat saualyna tūrǵyn úı qūrylysyna mıllıon teńge salǵan múgedektígí bar adamdar otbasynyń senatorǵa ótínísh aıtuy sebep boldy. Alaıda aqshany alǵan qūrylys salushy qashyp ketken. Qaryzdy jabuǵa tyrysqan otbasy alayaqtar ūrlap áketken nesıelík kólíkten de aıyryldy, bíraq bank aldyndaǵy míndettemeler saqtalyp otyr. Sonyń nátıjesínde adamdar kúnkóríske jetetín qaluda.
Senator memlekettík organdarǵa jasalǵan ótíníshter nátıje bermegenín jáne atústí jauaptar beríle bastaǵanyn atap óttí. 2021 jyly shyǵarylǵan sot sheshímí álí oryndalǵan joq, óıtkení boryshkerdíń múlkí joq. Onyń aıtuynsha, zańda sot sheshímderín oryndaudan jaltarǵany, onyń íshínde aktıvterdí jasyrǵany úshín jauapkershílík belgílengen. Alaıda, ís júzínde būl normalar jūmys ístemeıdí jáne zardap shekkender qorǵaudan syrt qalǵan.
«Estu jáne sóıleu qabíletí būzylǵan azamattar kóbínese ádettegí jaǵdaıdaǵy baılanys ortalyqtaryn, tsıfrlyq qyzmetterdí nemese JI kómekshílerín paıdalana almaıdy. Nátıjesínde, qorǵauǵa mūqtaj adamdar júıeden tys qaluda. Osyǵan baılanysty alayaqtyqpen jáne osal azamattardy qorǵauǵa baılanysty íster boıynsha sot sheshímderín oryndaudyń bíryńǵaı mekemearalyq kelísílgen praktıkasyn, sondaı-aq sot-qūqyq qorǵau organdary, sot oryndaushylary, bankter jáne ózge de qūrylymdardyń ís-qımyldaryn naqty úılestírudí qaraudy sūraımyz. Estu jáne sóıleu qabíletí būzylǵan azamattarǵa arnalǵan ózara ís-qımyl men kómektesetín balama arnalarmen qosa memlekettík jáne tsıfrlyq servısterdíń qoljetímdílígín qamtamasyz etu kerek. Sondaı aq sot aktílerín oryndamaǵany úshín jauapkershílíktí kúsheıtu turaly máselení qaraudy sūraımyz», - dedí senator.