Almatyda ūlttyq zıyatkerlík sport túrleríníń bírí — Toǵyzqūmalaqqa qyzyǵushylyq artyp keledí. Júrístí aldyn ala boljaı bíludí talap etetín būl strategıyalyq oıyn adamnan oıy ūshqyr boluyn talap etedí. Jastar da osy oıynǵa soǵan bola qūmartqan, – dep habarlaıdy aqshamnews.kz tílshísí. Jarysqa qatysyp qaıtqan Óńírlík kommunıkatsıyalar qyzmetíníń mamandaryna sóz berelík.
Jarys barysynda qatysushylar erejení bílumen shektelmeı, ózderín salmaqty ūstap, oıy de júırík ekenín kórsetedí. Ár júrís — mūqıyat oılastyrylǵan qadam. Mūnda shabuyl jasap qana qoımaı, der kezínde qorǵana bílíp, qarsylastyń qadamyn eseptep, aılasynan asyru bíluí kerek.
Almaty qalalyq toǵyzqūmalaq federatsıyasynyń prezıdentí Ruslan Qallıolaevtyń aıtuynsha, būl oıyndy damytu basym baǵyttyń bírí eken:
«Jastar arasyndaǵy qyzyǵushylyq jyl saıyn artyp keledí. Bízdíń maqsatymyz — toǵyzqūmalaqty Almatyda ǵana emes, búkíl Qazaqstanda mektep baǵdarlamasynyń bír bólígíne aınaldyru. Būl oıyn balalardyń oılau qabíletín, kúızelíske tózímdílígín artyryp, zeıínín damytady», — dedí.
Mamandardyń aıtuynsha, toǵyzqūmalaq balalardyń kognıtıvtík daǵdysyn damytuǵa zor yqpal etedí: este saqtau qabíletín jaqsartady, strategıyalyq oılaudy qalyptastyryp, qıyn jaǵdaıda da sheshím qabyldauǵa úıretedí.
Bıyl halyqaralyq jarystarǵa daıyndyqqa erekshe kóńíl bólíndí. Sonyń íshínde Dúnıejúzílík kóshpendíler oıyndaryna daıyndyq júríp jatyr. Qazaqstandyq sportshylar el namysyn abyroımen qorǵap, ūlttyq mūrany álemdík deńgeıde tanytu úshín jan-jaqty jattyǵyp jatyr.
Qazír toǵyzqūmalaq jaı ǵana oıyn emes, ol halyqtyń mádenı kody men mūrasynyń mańyzdy bólígí. Būl zıyatkerlík sport túrí qazírgí ómírge senímdí túrde eníp, ūrpaqtardy bíríktíríp, jańa múmkíndíkke jol ashyp jatyr.