«Qazgıdromet» 2026 jylǵy 21-23 nauryz aralyǵyna arnalǵan Qazaqstan boıynsha aua raıy boljamyn ūsyndy. Sınoptıkterdíń málímetínshe, eldíń bírqatar óńírínde jańbyr men qar aralas jauyn-shashyn, tūman, kóktaıǵaq jáne jeldíń kúsheyuí kútíledí, dep habarlaıdy Aqshamnews.kz tílshísí.
Sınoptıkterdíń boljamynsha, 21-23 nauryz kúnderí Qazaqstannyń soltústígínde jáne ońtústík óńírleríníń bír bólígínde atmosferalyq fronttardyń ótuíne baılanysty jauyn-shashyn bolady. Keı jerlerde jańbyr men qar aralas túsíp, jel kúsheıedí. Al kúndíz ońtústík aımaqtarda naızaǵaı boluy múmkín. Sonymen qatar respublıka boıynsha tūman men kóktaıǵaq kútíledí.
Eldíń qalǵan aumaǵynda negízínen jauyn-shashynsyz aua raıy saqtalady. Aua temperaturasy kúndíz batys óńírlerde 12-17 gradusqa deıín jylynady. Mańǵystau oblysynda 18-23 gradusqa deıín jylu bolady dep kútílíp otyr.
Soltústík pen ortalyq aımaqtarda kúndízgí aua temperaturasy 3-8 gradus jyly bolady. Ūlytau oblysynda būl kórsetkísh 15-20 gradusqa deıín kóteríledí. Shyǵys Qazaqstanda 5-15 gradus jylu kútílse, ońtústíkte 20-25 gradusqa deıín, al ońtústík-shyǵysta 15-23 gradusqa deıín jylıdy.