Haıuanattar baǵynda Fıdelge aptasyna bír ret qana azyq beríledí, dep habarlaıdy aqshamnews.kz tílshísí.
Búgín Almaty haıuanattar baǵynda erekshe kún. Haıuanattar baǵynyń eń tanymal tūrǵyndarynyń bírí kubalyq qoltyrauyn Fıdel 40 jasqa toldy.
Fıdel 1986 jyly dúnıege kelgen. 2001 jyly Rıga haıuanattar baǵynan Almaty haıuanattar baǵyna ákelíngen. Osy jyldar íshínde ol kelushíler men qyzmetkerlerdíń erekshe yqylasyna bólendí. Búgínde ūzyndyǵy shamamen 4 metr bolatyn Fıdel óz túríníń tolyq jetílgen ókílí.
Fıdelge erekshe syı ázírlendí. Qoltyrauyndar táttí taǵam jemeıtíndíkten, merekelík «tort» onyń súıíktí asy – sıyr etínen jasaldy. Mūndaı tartu januardyń tabıǵı qorektenu erekshelígíne tolyq saı keledí.
«Fıdeldíń jaǵdaıy jaqsy. Ol belsendí, tábetí de jaqsy, mamandardyń tūraqty baqylauynda. Bízdíń haıuanattar baǵynda ótkízgen jyldary íshínde ol Ekzotarıumnyń naǵyz sımvolyna aınaldy. Mínezí men qylyǵy ábden qalyptasqan, ony qyzmetkerlerímíz jaqsy bíledí. Jasy ūlǵaıǵanymen, kubalyq qoltyrauyn úshín 40 jas shek emes. Dūrys kútím jasalsa, olar būdan da ūzaq ómír súre alady», – deıdí Almaty haıuanattar baǵy Ekzotarıum bólímíníń basshysy Aleksandr Gurnev.
Kubalyq qoltyrauyndar bauyrymen jorǵalaushylardyń ejelgí tobyna jatady. Zat almasu erekshelígíníń arqasynda olar qoregín ūzaq uaqyt qorytady. Sondyqtan haıuanattar baǵynda Fıdelge aptasyna bír ret qana azyq beríledí. Ádette ony ár seısenbí kúní saǵat 14:00-den 15:00-ge deıín tamaqtandyrady. Būl sáttí kelushíler tamashalaı alady.
Osy 40 jyl íshínde Fıdel haıuanattar baǵynyń qarapaıym tūrǵyny ǵana emes, kelushílerdí qoltyrauyndardyń tírshílígímen, olardyń mínez-qūlqymen jáne sırek kezdesetín januarlardy qorǵaudyń mańyzymen tanystyratyn erekshe sımvolǵa aınaldy.
Almaty haıuanattar baǵynyń ūjymy Fıdeldí mereıtoıymen qūttyqtap, jyly lebízín bíldírgen barlyq kelushíge alǵys aıtady.