Almaty dárígerlerí nauqasqa ekínshí ómír syılady, – dep habarlaıdy aqshamnews.kz tílshísí.
«Sízder meníń jūbaıyma ekínshí ómír syıladyńyzdar» — dál osy sózdermen nauqastyń jūbaıy jedel medıtsınalyq járdem qyzmetí men Almaty qalalyq №7 klınıkalyq auruhanasynyń dárígerleríne alǵysyn bíldírdí. Dál sol syn saǵatta olardyń kásíbılígí men jedel áreketí nauqastyń ómírín saqtap qaldy.
Nauqasty qūtqaruǵa jedel medıtsınalyq járdem dárígerí Seıíl Almabekov, sondaı-aq №7 qalalyq klınıkalyq auruhanasynyń mamandary qatysty: ınterventsıyalyq hırurgıya bólímshesíníń meńgerushísí Sáken Anartaev, ınterventsıyalyq kardıologtar Danıyar Qaıralıev, Mūhtar Nūraqbaı jáne reanımatsıya bólímshesíníń dárígerlerí.
Barlyǵy 103 qyzmetíne túsken shaqyrtudan bastaldy. Er adam keude tūsyndaǵy auyrsynu men jaısyzdyqqa shaǵymdanǵan. EKG-da aıqyn ózgeríster bolmaǵanyna jáne nauqastyń jaǵdaıy syrttaı tūraqty kóríngeníne qaramastan, jedel járdem dárígerí Seıíl Almabekov jedel koronarlyq sındromǵa kúdík keltíríp, shūǵyl túrde auruhanaǵa jatqyzu turaly sheshím qabyldady.
Tasymaldau barysynda nauqastyń jaǵdaıy kúrt nasharlap, júregí toqtap qaldy. Jedel járdem brıgadasy dereu reanımatsıyalyq ís-sharalardy bastap, júrek qyzmetín qaıta qalpyna keltírdí.
Nauqas shūǵyl túrde №7 qalalyq klınıkalyq auruhanaǵa jetkízíldí. Mūnda dárígerler oǵan koronarlyq arterıyalardyń kóptamyrly auyr zaqymdanuy ayasynda jedel mıokard ınfarktyn anyqtady. Interventsıyalyq kardıologtar jedel aralasu júrgízíp, zaqymdanǵan tamyrdaǵy qan aǵymyn qalpyna keltírdí.
Keıíngí emdeu bírneshe kezeńmen jalǵasty. Mamandardyń joǵary kásíbılígíníń, zamanauı tehnologıyalardyń jáne dūrys tańdalǵan em taktıkasynyń arqasynda júrektíń qanmen qamtamasyz etíluí tolyq qalpyna keltírílíp, nauqas qalypty ómírge oraldy.
Qazaqstandyq dárígerler kún saıyn dáleldep keledí: eń qıyn jaǵdaılardyń ózínde de janynda naǵyz kásíbı mamandar bolsa, ómírdí saqtap qaluǵa múmkíndík bar.