Almaty qalasynyń ákímí Darhan Satybaldy megapolıstíń sumen jabdyqtau júıesín damytu jáne jańǵyrtuǵa baǵyttalǵan ınjenerlík ınfraqūrylymnyń mańyzdy nysandaryn aralady.
Jūmys sapary barysynda qala basshysy salynyp jatqan bírqatar qūrylys nysandarynda boldy, olar negízgí su tazartu qūrylǵylary, Aqsaı ózeníndegí su qoımasy, Nūrlytau shaǵyn audanyndaǵy su jınaqtau keshení, sondaı-aq Nūr Alatau shaǵyn audanyndaǵy rezervtík gıdrotehnıkalyq qūrylǵy.
Alǵashqy nysan 1948 jyly salynǵan, keıín 2015 jyly sońǵy ret rekonstruktsıyalanǵan Basty su tazartu qūrylǵylary boldy. Búgínde būl nysan Almaty halqynyń shamamen 20%-yn, onyń íshínde Bostandyq audany men Almaly, Medeu jáne Áuezov audandarynyń keı bólíkterín sumen qamtamasyz etíp otyr. Ákímníń aıtuynsha, mūndaı stantsıyalardyń tūraqty jūmysy qala tūrǵyndarynyń densaulyǵy men qauípsízdígíne tíkeleı áser etedí.
Kelesí nysan – Nauryzbaı audanynyń Taujoly shaǵynaudanyndaǵy su tartu stantsıyasynyń qūrylysy. Qūrylys-montaj jūmystary 2025 jyldyń qarashasynda ayaqtalady dep josparlanǵan. Joba Nauryzbaı jáne íshínara Qarasaı audandarynyń 100 myńnan astam tūrǵynyn sapaly auyz sumen qamtamasyz etuge múmkíndík beredí.
«Su – ómírdíń kózí! Sondyqtan mūndaı jobalar uaqytynda ayaqtalyp, barlyq standarttarǵa saı boluy kerek», – dep atap óttí Darhan Satybaldy.
Nūrlytau shaǵynaudanynda su daıyndau keshení men su qysymyn arttyruǵa arnalǵan sorǵy stantsıyasynyń qūrylysy júríp jatyr. Būl joba Nūr Alatau, Ermensaı, Remızovka, Aqtóbe jáne basqa da shaǵynaudandardyń 45 myńnan astam tūrǵynyn sumen qamtudy jaqsartuǵa baǵyttalǵan. Ákím jūmys qarqynyn kúsheıtíp, nysandy 2026 jyldyń jaz mausymynyń sońyna deıín ayaqtaudy tapsyrdy.
«Sumen qamtamasyz etu – erekshe baqylauda. Qala ósíp keledí, sondyqtan Almatynyń auqymyna saı qosymsha quat kózderí qajet», – dedí ákím.
Jūmys saparynyń sońynda qala basshysy Nūr Alatau shaǵynaudanynda salynyp jatqan rezervtík gıdrotehnıkalyq nysanda boldy. Būl joba qalanyń sumen jabdyqtau júıesíníń sharyqtau kezeńderíndegí tūraqtylyǵyn arttyryp, búkíl ınfraqūrylymnyń senímdí jūmysyn qamtamasyz etuge baǵyttalǵan.