Qala ákímí vaktsına alyp, 30 mınuttyq baqylauda bolǵan almatylyqtarmen sóılesíp, olarǵa densaulyq tíledí.
Almaty qalasynyń ákímí Baqytjan Saǵyntaev jūmys sapary barysynda bírqatar áleumettík nysandardy aralady, dep habarlaıdy Almaty-akshamy.kz.
Qala basshysy aulalar men jayau júrgínshíler joldaryn abattandyru boıynsha júrgízílíp jatqan jūmystardyń sapasyna baǵa berdí.
Audannyń segíz shaǵyn audanynda Jandosov – Saıyn – Shalyapın – Qarǵaly ó. qalalyq sumen jabdyqtau jáne su beru jelílerí joq. Mūnda 65 kópqabatty jáne 847 jeke úı ornalasqan, barlyǵy 11, 2 myń abonent bar. Qala ákímíníń tapsyrmasy boıynsha ortalyqtandyrylǵan sumen jabdyqtau jáne su būru júıesíníń qūrylysynyń jobalyq-smetalyq qūjattary jasalady. Sumen jabdyqtau jelísíníń ūzyndyǵy — 74 km, sudan būru jelísíníń ūzyndyǵy — 35 km.
Baqytjan Saǵyntaev sonymen qatar audannyń áleumettík ınfraqūrylymynyń damu qarqynyn tekserdí. Mamyr shaǵyn audanynda №18 emhanaǵa qarasty ambulatorıya bar. Úı-jaıdyń tar boluyna baılanysty sapaly medıtsınalyq qyzmet kórsetu múmkín emes. Mūnyń sheshímí – Baqytjan Saǵyntaevtyń tapsyrmasy boıynsha kúzde dál dál osy shaǵyn audanda auysymynda 200 kelushíge arnalǵan jańa otbasylyq-dárígerlík ambulatorıyaǵa arnalǵan jańa ǵımarat salu. Ambulatorıya kelesí kóktemde paıdalanuǵa beríledí dep josparlanǵan.
Almaty ákímí sondaı-aq №4 shaǵyn audandaǵy №6 emhanada júrgízílgen kúrdelí jóndeulerge baǵa berdí. 1965 jyly salynǵan ǵımaratty jóndeu kezínde súzgíler men jeldetu júıeleríníń boluyna arnalǵan zamanauı standarttar eskeríldí. Búgínde 58 myń adamǵa qyzmet kórsetetín emhana 88% medıtsınalyq jabdyqtarmen jabdyqtalǵan. KT jáne MRT apparattaryn jetkízu kútílude, sodan keıín jabdyqtar 100%-dy qūraıdy.
Baqytjan Saǵyntaev emhanaǵa barǵan kezde medıtsınalyq bólímder men vaktsınatsıya bólmesín qarap shyqty. Emhanaǵa tírkelgen tūrǵyndardan 10 myńnan astam adam koronavırusqa qarsy vaktsınatsıyalanǵan. Qala ákímí vaktsına alyp, 30 mınuttyq baqylauda bolǵan almatylyqtarmen sóılesíp, olarǵa densaulyq tíledí.
Aqsaı-2 shaǵyn audanynda №121 mekteptíń jańa ǵımaratynyń qūrylysy ayaqtaluda. 450 oryndy ǵımaratta árleu jūmystary júrgízílude. Mūnda 1-4 synyp oqushylary bílím alatyn bolady. Synyptardyń jańa bólmelerín qarap shyqqan qala ákímí Baqytjan Saǵyntaev paıdalanylatyn materıaldardyń sapasyna basa nazar audarudy, sonymen qatar qasbetín bezendíru kezínde ashyq tústerdí qoldanudy tapsyrdy. Jalpy, Áuezov audanynda 3,6 myń oryndyq mektepterdíń bes jańa korpusy salynuda.
Baqytjan Saǵyntaev sondaı-aq «Mamyr-1» shaǵynaudanyndaǵy «Byudjetke qatysu» jobasy ayasynda júrgízílgen aulalardy abattandyru jūmystarynyń sapasyn tekserdí. Jaqyn mańdaǵy úılerdíń tūrǵyndary jóndeu kezínde eskeríletín sporttyq jáne oıyn alańdaryna qatysty tílekterín bíldírdí. Qala ákímí tūrǵyndarǵa bos uaqytty ótkízuge qolaıly jaǵdaı jasau maqsatynda jūmysty jedeldetudí tapsyrdy.
Megapolıs ákímí Yassauı jáne Tóle bı kóshelerí boıyndaǵy jayau júrgínshíler aımaqtaryn, «Byudjetke qatysu» jobasy ayasynda abattandyrylǵan Shalyapın jáne Saıyn kóshelerí būrylystarynyń aumaqtaryn aralap kórdí. «Byudjetke qatysu» jobasy ayasynda audanda 22 joba júzege asyryluda, onyń 7-uí qoǵamdyq oryndardy abattandyru, 14-uí 16 aulany jóndeu, 6-uy Saıyn kóshesíndegí KQTÚ-díń qasbetterín bezendíru.
Jalpy, bıyl №3 jáne №6 shaǵyn audandardaǵy 73 aula aumaǵyn kúrdelí jóndeu jūmystary bastaldy. «Byudjetke qatysu» jobasy boıynsha aulalardy abattandyruǵa qatysty 16 joba tańdaldy.
Audanda Momyshūly kóshesí boıyndaǵy Shalyapın kóshesínen Raıymbek dańǵylyna deıíngí jayau júrgínshíler joly ortasha jóndeuden ótíp jatyr. Jūmystyń barysymen tanysqannan keıín, Baqytjan Saǵyntaev aumaqtardy kógaldandyruǵa nazar audarudy jáne ekpelerdí suarudy qamtamasyz etudí tapsyrdy.
Jūmys sapary kezínde Baqytjan Saǵyntaev Saıran kólíníń aınalasyn abattandyru jobalarymen de tanysty. Megapolıs ákímíníń tapsyrmasy boıynsha qalyptasqan ekojúıení būzbaı, aumaqty seruendeu, belsendí jáne jaıly demalys aımaqtaryna bólu qajet.