Almatyda qazír 14 pen 35 jas aralyǵyndaǵy shamamen 770 myń jas tūrady, dep habarlaıdy aqshamnews.kz tílshísí.
Halyqaralyq jastar kúníne oraı «Qala senen bastalady» degen ūranmen ótíp jatqan, 20 myń adamnyń basyn qosqan festıvalda on kún boıy bílím men ekologıyaǵa qatysty aktsıyalar, sport jarysy ótíp, shyǵarmashylyq jobalar, kıno men kontsert ótedí. Festıval baǵdarlamasy men negízgí ís-sharalary turaly Óńírlík kommunıkatsıyalar qyzmetínde Jastar sayasaty basqarmasy men Tulga Foundation qoǵamdyq qorynyń ókílderí aıtyp berdí.
Almatyda qazír 14 pen 35 jas aralyǵyndaǵy shamamen 770 myń jas tūrady. Jastar sayasaty basqarmasynyń basshysy Azız Kajdenbektíń aıtuynsha, ALMA LOVE 2026 baǵdarlamasy Memleket basshysy aıqyndaǵan negízgí qūndylyqtar – «Zań men tártíp», «Estıtín úkímet», «Ártúrlí kózqaras – bírtūtas ūlt», «Adal azamat» pen «Taza Qazaqstan» qaǵıdatynyń negízínde qūrylǵan. Festıvaldaǵy ár ís-shara osy ıdeologıyalyq baǵyttyń bírín nasıhattap, jastardyń azamattyq jauapkershílígín, zańǵa qūrmetín, ūlttyq qūndylyqqa adaldyǵy men qoǵamdyq belsendílígín arttyruǵa baǵyttalypty.
«Festıvaldíń basty maqsaty – shyǵarmashyl, ıntellektualdy, sportqa jaqyn, belsendí árí bastamashyl jastardy bíríktíríp, jastardyń barlyq sanatyn qamtu arqyly bílímdí, mádenıettí, jauapty árí áleumettík tūrǵyda belsendí ūrpaqty qalyptastyruǵa yqpal etu», – deıdí Azız Kajdenbek.
Onyń aıtuynsha, festıvaldíń ashyluyna negíz bolǵan EcoVibe ekologıyalyq chellendjí «Taza Qazaqstan» jalpyūlttyq bastamasyn qoldap, jastar arasynda ekologıyalyq mádenıettí qalyptastyruǵa yqpal etpek.
Level Up zıyatkerlík oıyndary men ALMA LOVE Talks jastar forumy bílímge qyzyǵushylyqty, synı oılaudy damytuǵa baǵyttalǵan. Sonymen qatar būl alańda jastar kásípkerlermen, ǵalymdarmen, qoǵam qaıratkerlerímen, sarapshylarmen píkír almasuǵa múmkíndík alady.
Avenue Talent shyǵarmashylyq alańy jas muzykanttarǵa, aqyndar, suretshíler men bıshílerge óz ónerín tanytuǵa jol ashyp, mádenı áraluandylyq pen «Ártúrlí kózqaras – bírtūtas ūlt» qaǵıdatyn nasıhattaıdy.
Baǵdarlamada Youth Nomads ūlttyq oıyndar festıvalí men «Jaǵalaudaǵy Abaı» mádenı-aǵartushylyq jobasyna erekshe oryn berílgen. Būl jobalar ūlttyq mūrany dárípteuge, tarıhı jadyny nyǵaıtyp, dástúrlí qūndylyqqa qūrmetpen qaraudy arttyruǵa baǵyttalǵan.
Azız Kajdenbektíń aıtuynsha, UNICEF Jastar forumy – 2026 halyqaralyq jastar forumyn ótkízu halyqaralyq jastar yntymaqtastyǵyn nyǵaıtudaǵy mańyzdy qadam bolmaq. Sondaı-aq būl Almatynyń Ortalyq Azıyadaǵy jastardyń jetekshí ortalyǵynyń bírí retíndegí mártebesín kúsheıtuge yqpal etedí.
«ALMA LOVE – būl jaı ǵana merekelík ís-sharalar legí emes. Būl – jastardyń óz ıdeyasyn íske asyryp, jańa bílím alyp, shyǵarmashylyqta, sport pen qoǵamdyq qyzmette ózín kórsetuíne, sondaı-aq tuǵan qalasynyń damuyna septesuge múmkíndík beretín alań», – deıdí basqarma basshysy.
Tulga Foundation qoǵamdyq qorynyń tóraǵasy Meıírjan Kelemedenov festıval jastardyń ózín-ózí damytyp, belsendí azamattyq qoǵam qalyptastyruǵa mūryndyq bolatynyn aıtady.
«Búgíngí jastarǵa tek demalys alańdary ǵana emes, óz ıdeyasyn damytyp, píkírles adamdardy tauyp, bastamasyn júzege asyru úshín qoldau alatyn keńístík qajet. ALMA LOVE dál osyndaı múmkíndík ūsynady», – dedí ol.
Onyń aıtuynsha, festıvaldíń negízgí míndetíníń bírí – jastardy qoǵamdyq, bílím beru men mádenı bastamaǵa tartu arqyly olardyń qalamen baılanysyn nyǵaıtu.
«Jastar Almatynyń damuyna úles qosyp jatqanyn sezínuí kerek. Óıtkení ózgeríske jastar jaq bolsa, odan búkíl qala ūtady», – dedí spıker.
ALMA LOVE 2026 festıvalí 12 tamyz kúní «Shabyt» jazǵy amfıteatrynda ótetín úlken merekelík kontsertpen qorytyndylanady. Saltanatty rásím barysynda qalanyń eń belsendí jastary marapattalyp, sahnada qazaqstandyq tanymal ónerpazdar óner kórsetedí.