Ákímshílík qūqyq būzushylyqtyń nebárí 2 qūramy boıynsha 15 būzushylyq anyqtaldy, dep habarlaıdy aqshamnews.kz tílshísí.
Elde júrgízílíp jatqan konstıtutsıyalyq reforma ayasynda prokuratura organdary ótken Qūryltaı deputattary tarıhısaılauynyń barlyq kezeńderínde zańdylyqtyń saqtaluyna joǵary qadaǵalaudy qamtamasyz ettí.
Saılau nauqanyn jalpy alǵanda, kandıdattardy ūsynu jáne partıyalyq tízímderdí tírkeu, úgít júrgízu jáne dauys beru protsesterín qosa alǵanda, qūqyqtyq alańda, tílektestík pen tynyshtyq jaǵdaıynda óttí.
Saılau komıssıyalary tarapynan būzushylyqtar, byulletenderdí zańsyz beru, basqa adamdar úshín dauys beru jáne byulletenderdí tastau faktílerí bolǵan joq.
Sondaı-aq akkredıttelgen baıqaushylarmen jáne BAQ ókílderímen janjaldar, olardy saılau uchaskelerínen shyǵaryp jíberu faktílerí jáne qoǵamdyq tártíptíń ózge de óreskel būzushylyqtary tírkelgen joq.
Saılaudy ūıymdastyru men ótkízudíń búkíl kezeńínde ákímshílík qūqyq būzushylyqtyń nebárí 2 qūramy boıynsha 15 būzushylyq anyqtaldy. Atap aıtqanda, būl – 3 zańsyz saual salu faktísí jáne 12 fakt - oǵan tyıym salu kezeńínde úgít júrgízu.
Salystyru úshín, 2023 jylǵy saılauda ákímshílík qūqyq būzushylyqtyń 8 qūramy boıynsha saılau zańnamasyn būzudyń 69 faktísí oryn alǵan edí.
2026 jyldyń osy elektoraldyq kezeńínde prokurorlarmen barlyǵy 12 ótíníshtí qaraldy.
Olardyń árqaısysy boıynsha túsíndírme sıpatyndaǵy jauaptar beríldí.
Barlyq ótíníshter partıyalyq tízímderdí tírkeu jáne úgít júrgízu máseleleríne qatysty boldy.
Qūqyqtyq ahual 2023 jylǵy nauryzdaótken Parlament Májílísí deputattarynyń saılauynda múlde ózgeshe boldy.
Sol kezde prokuratura organdary 113 ótínísh pen shaǵymdy qarady, yaǵnı bıylǵydan 9 ese kóp.
2023 jylǵy saılau nauqany kezeńínde Parlament Májílísíníń deputattyǵyna kandıdattar sot organdaryna 82 talap aryz berdí, al bıyl, partıyalyq tízímderge engízílgen kandıdattar sottarǵa júgíngen joq.
Keltírílgen derekter uákílettí organdar men prokuraturanyń «Zań jáne tártíp» konstıtutsıyalyq qaǵıdaty sheńberínde júrgízgen auqymdy túsíndíru jáne profılaktıkalyq jūmysynyń tıímdílígín rastap qana qoımaı, saılau protsesíne qatysushylardyń qūqyqtyq mádenıetíníń sapalyq tūrǵydan artqanyn da aıqyn kórsetedí.