Alǵys aıtu kúní – adamdar arasyndaǵy syılastyq pen meıírímdílíktí dárípteıtín, júrekten shyqqan shynaıy alǵys pen rızashylyqty bíldíretín erekshe mereke.
Osy atauly kúnge oraı «Sízge alǵysym sheksíz» taqyrybynda «Auyl» partıyasy Almaty qalasy fılıaly qaıyrymdylyq sharasyn ūıymdastyrdy, – dep habarlaıdy aqshamnews.kz tílshísí.
Ís-shara ayasynda Zaǵıptar qoǵamynyń múshelerín tegín kóz dıagnostıkalyq tekseruínen ótkízdí. Zamanauı medıtsınalyq qūral-jabdyqtar arqyly bílíktí dárígerler keshendí dıagnostıka júrgízíp, árbír qatysushyǵa jeke keńes berdí. Būl – kóru qabíletí boıynsha qıyndyq kóríp júrgen azamattar úshín úlken qoldau boldy.
Shara barysynda partıya ókílderí jınalǵan qauymdy Alǵys aıtu kúnímen qūttyqtap, ízgí tílekterín jetkízdí. Olar qoǵamda bírlík pen ózara qoldau qūndylyqtaryn nyǵaıtudyń mańyzyn atap óttí. «Sízge alǵysym sheksíz» degen ataumen ótken būl ís-shara tek medıtsınalyq kómek kórsetu ǵana emes, sonymen qatar adamǵa degen qūrmet pen janashyrlyqtyń kórínísí boldy.
Alǵys aıtu kúní – jaqsylyq jasaudyń, júrek jyluyn syılaudyń, bír-bírímízge demeu boludyń aıqyn úlgísí. «Auyl» partıyasy Almaty qalasy fılıaly aldaǵy uaqytta da áleumettík mańyzy bar jobalardy júzege asyryp, halyq ıgílígí jolyndaǵy jūmystaryn jalǵastyra bermek.
